പാടനില് നെയ്ത പട്ട് അറിയപ്പെടുന്നത് പടോല എന്നാണ്. നിലവിലുള്ള നെയ്ത്ത് രീതികളില് ഏറ്റവും സങ്കീര്ണ്ണമാണ് പടോല നെയ്ത്ത്. ഡബ്ള് ഇക്കറ്റ് എന്ന സവിശേഷ രീതിയാണ് അവര് സ്വീകരിക്കുന്നത്. പടോലയ്ക്ക് പുറമെ ഇന്തോനേഷ്യയില് മാത്രമാണ് ഈ മാര്ഗ്ഗം നെയ്ത്തില് അവലംബിക്കുന്നത്. ഗഹനമായ ഈ നെയ്ത്തില് ഒരു സാരി നെയ്തെടുക്കാന് മാസങ്ങള് വേണ്ടിവരും.
അതുകൊണ്ട് തന്നെ വലിയ വിലയും ഉപഭോക്താവ് ഈ സാരികള്ക്ക് നല്കേണ്ടി വരും. സാല്വി സമുദായക്കാര് മാത്രമാണ് ശ്രദ്ധയും നൈപുണ്യവും ഏറെ ആവശ്യമുള്ള ഈ ജോലി ചെയ്യുന്നത്.