പീരുമേട്ടില് നിന്നും 4 കിലോമീറ്റര് സഞ്ചരിച്ചാല് ത്രിശങ്കു കുന്നിലെത്താം. ഈ ഭാഗത്തുനിന്നുമുള്ള ചുറ്റുപാടിന്റെ കാഴ്ച മനോഹരമാണ്. നഗരത്തിലെ തിരക്കുകളില് നിന്നുമാറി പിക്നിക്കിനും മറ്റും പറ്റിയ സ്ഥലമാണിത്. സുഖശീതളിമയുള്ള കാറ്റും, ചുറ്റുപാടുമുള്ള കുന്നുകളുമെല്ലാം ചേര്ന്ന് ഈ സ്ഥലത്തെ മനോഹരമാക്കുന്നു.
അസ്തമയ സമയത്ത് ഈ കുന്നിലൂടെ വെറുതെ നടക്കുന്നത് തീര്ത്തും സുഖമുള്ള അനുഭവം തന്നെയാകും. ചെറിയതോതിലുള്ള ട്രക്കിങ്ങിനും മറ്റും പറ്റിയ സ്ഥലമാണിത്. ബൈക്കിങ് ട്രിപ്പുകാരും, ട്രക്കിങ്ങുകാരുമെല്ലാം ക്യാംപിങ് സ്ഥലമായി ഉപയോഗിക്കുന്നത് ഈ കുന്നാണ്. നാച്ചര് ഫോട്ടോഗ്രാഫിയില് താല്പര്യമുള്ളവര്ക്കും ഹണിമൂണ് യാത്രക്കാര്ക്കും പറ്റിയ ലൊക്കേഷനാണിത്.