പുഷ്കര് തടാകത്തിന്റെ കരയിലാണ് ബ്രഹ്മ ക്ഷേത്രം നില കൊള്ളുന്നത് ഇന്ത്യയില് ത്തന്നെ ഹിന്ദു ദൈവമായ ബ്രഹ്മാവിന് സമര്പ്പിച്ചിരിക്കുന്ന അപൂര്വ്വം ക്ഷേത്രങ്ങളില് ഒന്നാണ് ഇത്. പുരാണകഥ ഇങ്ങനെയാണ്: ബ്രഹ്മാവ് അഗ്നി യെ പ്രസാദി പ്പിക്കാനായുള്ള യജ്ഞം പുഷ്കറില് ആരംഭിക്കുന്നു.ബ്രഹ്മാവിന്റെ പത്നിയായ സാവിത്രി കൃത്യ സമയത്ത് യജ്ഞത്തിന് എത്തിയില്ല.
ഇക്കാരണം കൊണ്ട് ബ്രഹ്മാവ് അടുത്ത പ്രദേശവാസിയായ പാല്ക്കാരി ഗായത്രിയെ വിവാഹം കഴിച്ച് യജ്ഞം മുഴുമിപ്പിച്ചു.ബ്രഹ്മാവിന്റെ ഈ പ്രവര്ത്തി സാവിത്രിയെ ശുണ്ഠി പിടിപ്പിക്കുന്നു .അവള്, ബ്രഹ്മാവിനെ പുഷ്കറില് ഒഴികെ മറ്റെവിടെയും ആരാധിക്കപ്പെടാതിരിക്കട്ടെ എന്ന് ശപിക്കുന്നു.
ഇത് പതിനാലാം നൂറ്റാണ്ടിലാണ് പണിയിക്കപ്പെട്ടിരിക്കുന്നത് .ക്ഷേത്രത്തില് നാല് ശിരസ്സുള്ള ബ്രഹ്മാവിന്റെ ഗാംഭീര്യ മുള്ള ഒരു ശില്പ്പമുണ്ട് . ഇടതു ഭാഗത്ത് യുവതിയായ ഗായത്രിയും വലതു ഭാഗത്ത് സാവിത്രിയുമായി ഒരു താമരപ്പൂവില് ഇരിക്കുന്ന വിധമാണ് വിഗ്രഹം.