Click it and Unblock the Notifications
ഛത്തീസ്‌ഗഡിന്റെ പ്രയാഗ്‌ എന്നറിയപ്പെടുന്ന രാജിം റായ്‌പൂരില്‍ നിന്നും 45 കിലോമീറ്റര്‍ അകലെ മഹാനദിയുടെ കിഴക്കന്‍ തീരത്ത്‌ സ്ഥിതി ചെയ്യുന്ന ചെറു നഗരമാണ്‌. രാജിമിന്റെ സമ്പന്നമായ പൈതൃകമാണ്‌ വിനോദ സഞ്ചാരികളെയും ചരിത്രകാരന്‍മാരെയും ഇവിടേയ്‌ക്ക്‌ ആകര്‍ഷിക്കുന്നത്‌. രാജിമില്‍ നിരവധി തീര്‍ത്ഥാടന കേന്ദ്രങ്ങളുണ്ട്‌. ഇവിടുത്തെ നദികളെല്ലാം പുണ്യ നദികളായിട്ടാണ്‌ കണക്കാക്കുന്നത്‌.
മഹാനദി, പായിരി ,സോന്ദുര്‍ എന്നീ മൂന്ന്‌ നദികളുടെ സംഗമ സ്ഥാനം ത്രിവേണി സംഗമം എന്നാണ്‌ അറിയപ്പെടുന്നത്‌. ഇവിടം പുണ്യ ഭൂമിയായിട്ടാണ്‌ കണക്കാക്കുന്നത്‌. നിരവധി ചരിത്ര സ്‌മാരകങ്ങളും രാജിമിലുണ്ട്‌. പ്രമുഖ ചരിത്രകാരന്‍മാരായ ജെ ബെഗ്ലറും അലക്‌സാണ്ടര്‍ കണ്ണിങ്‌ഹാമും രാജിം സന്ദര്‍ശിക്കുകയും അവരുടെ ഗ്രന്ഥങ്ങളില്‍ ഈ സ്ഥലങ്ങളെ കുറിച്ച്‌ വിശമായി പ്രതിപാദിക്കുകയും ചെയ്‌തിട്ടുണ്ടെന്നാണ്‌ തെളിവുകള്‍ നല്‍കുന്ന സൂചന.
രാജിമിലെ വിനോദ സഞ്ചാര കേന്ദ്രങ്ങള്‍
പ്രമുഖ തീര്‍ത്ഥാടന കേന്ദ്രമായ രാജിമില്‍ നിരവധി ക്ഷേത്രങ്ങളും ചരിത്രസ്‌മാരകങ്ങളും കാണാനുണ്ട്‌. രാജിമിലെ പ്രധാന ആകര്‍ഷണമാണ്‌ രാജീവ്‌ ലോജന്‍ ക്ഷേത്രം. ക്ഷേത്രത്തിന്റെ മനോഹരമായ നിര്‍മാണ രീതിയില്‍ ആകൃഷ്‌ടരായി നിരവധി സന്ദര്‍ശകര്‍ വര്‍ഷം മുഴുവന്‍ ഇവിടേയ്‌ക്ക്‌ത്തൊറുണ്ട്‌. കുലേശ്വര മഹാദേവ മന്ദിര്‍, രാമചന്ദ്രക്ഷേത്രം, ചമ്പാരന്‍ എന്നിവയാണ്‌ രാജിമിലെ മറ്റ്‌ പ്രധാന ക്ഷേത്രങ്ങള്‍.
