റജൗറി ജില്ലയില് മലനിരകള്ക്കും ഇടതൂര്ന്ന വനത്തിനും മധ്യേ സ്ഥിതി ചെയ്യുന്ന മനോഹര ഭൂപ്രദേശമാണ് ദെഹ്രാ കി ഗാലി. മനോഹരമായ തടാകങ്ങള് ഉള്ള ഇവിടെയാണ് ജമ്മുകശ്മീരിലെ ആദ്യത്തെ എക്കോടൂറിസം പദ്ധതി നിലവില് വന്നത്. പിര് പഞ്ജാല് മലനിരകളില് സമുദ്രനിരപ്പില് നിന്ന് 6600 അടി ഉയരത്തില് സ്ഥിതി ചെയ്യുന്ന ഇവിടെയത്തെുന്നവര്ക്ക് താമസിക്കാന് പ്രൊജക്ട് ബീക്കണ് പദ്ധതിയില് പെടുത്തി ഒരു മുറിയുള്ള അപ്പാര്ട്ട്മെന്റുകള് നിര്മിച്ചിട്ടുണ്ട്. തണുപ്പുകാലത്ത് കനത്ത മഞ്ഞുവീഴ്ച അനുഭവപ്പെടാറുള്ളതിനാല് സന്ദര്ശനം ഒഴിവാക്കുന്നതാണ് നല്ലത്.