ഹരിയാനയിലെ റെവാറി ജില്ലയിലെ നഗരമാണ് റെവാറി നഗരം സ്ഥിതി ചെയ്യുന്നത്. ഡല്ഹിയില് നിന്നും 89 കിലോമീറ്റര് അകലെ സ്ഥിതി ചെയ്യുന്ന റെവാറി നാഷണല് ക്യാപിറ്റല് റീജിയണിന്റെ(എന്സിആര്) ഭാഗമാണ്. ഇന്ത്യയിലെ അവസാന ചക്രവര്ത്തിയായ ഹെമു റെവാറിയിലാണ് വളര്ന്നതും പഠിച്ചതെന്നുമാണ് ചരിത്രം.
നഗരത്തിലെ കുത്തബ്പൂര് പ്രദേശത്ത് ഇപ്പോഴും അദ്ദേഹത്തിന്റെ ഹവേലിയുണ്ട്. ചെമ്പ് തകിട്, പാത്രങ്ങള്, പിത്തള ഉത്പന്നങ്ങള് എന്നിവയുടെ നിര്മാണത്തിനായുള്ള ലോഹവ്യവസായത്തിന് അക്കാലത്ത് അദ്ദേഹം തറക്കല്ലിട്ടിരുന്നു. ഹരിയാനയിലെ ഗുര്ഗാവ് ജില്ലയുടെ ഭാഗമാണ് റെവാറി. 1989 വരെ മഹേന്ദ്രഗഢിന്റെ ഭാഗമായിരുന്നു ഇത്. അതിന് ശേഷം സ്വതന്ത്ര ജില്ലയായി.
റെവാറിയിലെ വിനോദ സഞ്ചാര കേന്ദ്രങ്ങള്
റെവാറിയിലെ പ്രധാന ആകര്ഷണം റെവാറി പൈതൃക ആവി തീവണ്ടിഎന്ജിന് മ്യൂസിയമാണ്. 1893 ലാണ് മ്യൂസിയത്തിന്റെ കെട്ടിടം പണിതത്. നിരന്തര യാത്രയ്ക്ക് ശേഷവും തേയ്മാനങ്ങളില് നിന്നും അതിജീവിച്ച തീവണ്ടിയുടെ ആവി എന്ജിനുകള് ഇപ്പോള് കാണപ്പെടുന്ന ഏക സ്ഥലം ഇവിടെയാണ്. 1990 ല് ആവിഎന്ജിനുകളുടെ പ്രവര്ത്തനം ഒഴിവാക്കിയതോടെ ഉപേക്ഷിച്ച് അവസ്ഥയിലായിരുന്നു ഇവിടം. റെയില്വെ അധികൃതര് ആവി എന്ജിനുകളുടെ പൈതൃകമ്യൂസിയമായി മാറ്റുന്നതിനായി 2002 ഡിസംബറില് ഇവിടം തിരിച്ചെടുക്കുകയായിരുന്നു.