മേഘാലയയിലെ പതിനൊന്ന് ജില്ലകളിലൊന്നാണ് റി ഭോയ്. നോങ്ക്പോയാണ് ഈ ജില്ലയുടെ ആസ്ഥാനം. സൗത്ത് ഗാരോ ഹില്സ് കഴിഞ്ഞാല് ഏറ്റവുമധികം ജനങ്ങള് പാര്ക്കുന്ന മേഘാലയയിലെ സ്ഥലമാണിത്. കിഴക്കന് ഖാസി കുന്നുകളിലാണ് ഈ സ്ഥലം.
ഉമിയം തടാകമാണ് ഇവിടുത്തെ പ്രധാന കാഴ്ച. ബാരപാനി എന്നാണ് ഇത് അറിയപ്പെടുന്നത്. മനുഷ്യനിര്മ്മിതമായ ഈ തടാകത്തോട് ചേര്ന്ന് ഒരു ജലവൈദ്യുത നിര്മ്മാണകേന്ദ്രവുമുണ്ട്. സ്പോര്ട്സുമായി ബന്ധപ്പെട്ടും ഈ തടാകം പ്രസിദ്ധമാണ്. കയാകിങ്ങ്, വാട്ടര് സൈക്ലിംഗ്, ബോട്ടിങ്ങ് എന്നിവ സന്ദര്ശകര്ക്ക് ഇവിടെ ആസ്വദിക്കാം. പിക്നിക്കിന് പറ്റിയ ഒരിടമാണ് ലം നെഹ്റു പാര്ക്ക്. ലം സോപെറ്റ്ബ്നെങ്ങ്, ഡിയെങ്കി പീക്ക്, ഡ്വാര്ക്ക്യുയിഡ് എന്നിവ് ഇവിടുത്തെ മറ്റ് പ്രധാന ആകര്ഷണങ്ങളാണ്.
സന്ദര്ശനയോഗ്യമായ കാലം
വേനല്ക്കാലമാണ് റി ഭോയ് സന്ദര്ശിക്കാന് അനുയോജ്യം. ഈ കാലം വരണ്ടതും, കാഴ്ചകള് കാണാന് അനുയോജ്യവുമാണ്.
എങ്ങനെ എത്തിച്ചേരാം?
ഷില്ലോങ്ങില് നിന്ന് 55 കിലോമീറ്റര് അകലെയാണ് റി ഭോയ് ജില്ലയുടെ ആസ്ഥാനമായ നോങ്ക്പോ. ഗുവാഹത്തി - ഷില്ലോങ്ങ് ഹൈവേയിലാണ് ഈ സ്ഥലം. നാഷണല് ഹൈവേ 40 റിഭോയ് ജില്ലയുടെ കുറെ ഭാഗത്തുകൂടി കടന്ന് പോകുന്നു. ഗുവാഹത്തിയില് നിന്ന് ബസിലോ, പ്രൈവറ്റ് ടൂറിസ്റ്റ് വാഹനങ്ങളിലോ നോങ്ക്പോയിലെത്താം.