Click it and Unblock the Notifications
രോഹ്രുവില്‍ നിന്നും 15 കിലോമീറ്റര്‍ അകലെയാണ് ഈ ഗ്രാമം സ്ഥിതിചെയ്യുന്നത്. മണ്ഡി, ധമരി, സീമ, ടിക്രി, സന്‍ധ്‌സു തുടങ്ങിയവ ഈ ഗ്രാമത്തിലെ പ്രമുഖ ആകര്‍ഷണകേന്ദ്രങ്ങളാണ്, എല്ലായിടത്തും മീന്‍പുടുത്തവിനോദമാണ് പ്രധാന ആകര്‍ഷണം. സാഹസികതയില്‍ താല്‍പര്യമുള്ളവര്‍ക്ക് ലാരൊട്ടിലേയ്ക്കുംമറ്റും പോകാവുന്നതാണ്. സരഹന്‍-ടക്ലച്ച്-ദോദ്ര വഴി നിചാറിലും തുടര്‍ന്ന് സന്‍ഗ്ലയിലുമെത്തുന്ന ട്രക്കിങ് റൂട്ടിലെ ട്രക്കിങ് ബേസാണ് ഈ സ്ഥലം.
ഈ ഗ്രാമത്തിന്റെ എല്ലാഭാഗവും വനത്താല്‍ ചുറ്റപ്പെട്ടതാണ്. വന്യതയുടെ സൗന്ദര്യമാണ് എവിടെയും ആസ്വദിക്കാന്‍ കഴിയുക. പുരാതനമായ ചില ക്ഷേത്രങ്ങളും ഈ ഭാഗത്തുണ്ട്.
