സജനിലെ ചരിത്രസ്മാരകമാണ് കൊഹോജ് കോട്ട. ഒരു അണക്കെട്ടിന് മുകളിലായുള്ള ഈ കോട്ട ഭോജ് കാലഘട്ടത്തില് നിര്മ്മിച്ചിരിക്കുന്നതാണ്. പതിനാറാം നൂറ്റാണ്ടില് പോര്ച്ചുഗീസ് പട ഗുജറാത്ത് രാജാവില് നിന്നും ഈ കോട്ട പിടിച്ചടക്കുകയും പിന്നീട് ബലപ്പെടുത്തുകയും ചെയ്തു. പിന്നീട് പതിനെട്ടാം നൂറ്റാണ്ടില് പേഷ്വ രാജാക്കന്മാര് കോട്ട തിരിച്ചുപിടിച്ചു. ഇതുംകഴിഞ്ഞുള്ള ഊഴം ബ്രിട്ടീഷുകാരുടേതായിരുന്നു, അവരും കുറേക്കാലം ഈ കോട്ട അധീനതയിലാക്കിവച്ചു.ഉയരത്തില് സ്ഥിതിചെയ്യുന്നതിനാല്ത്തന്നെ കോട്ട ട്രക്കിങ്ങില് താല്പര്യമുള്ളവര്ക്ക് പറ്റിയൊരു കേന്ദ്രം കൂടിയാണ്. ചുറ്റുപാടുമുള്ള കാടും മേടുമെല്ലാം ചേര്ന്ന് മനോഹരമായ ഈ സ്ഥലവും നല്ലൊരു പിക്നിക് കേന്ദ്രമാണ്.