വെ‌ള്ളിത്തിരയിലെ വെള്ളച്ചാട്ടങ്ങൾ!
കണ്ടെത്തു
 
കണ്ടെത്തു
 

സേലം പട്ടിന്‍റെയും വെള്ളിയുടെയും നാട്

ദക്ഷിണേന്ത്യന്‍ സംസ്ഥാനമായ തമിഴ്നാട്ടിലെ വടക്ക് മധ്യഭാഗത്ത് സ്ഥിതി ചെയ്യുന്ന നഗരമാണ് സേലം. തമിഴ്നാടിന്‍റെ തലസ്ഥാനമായ ചെന്നൈയില്‍ നിന്ന് 340 കിലോമീറ്റര്‍ അകലെയുള്ള സേലം മാംഗോ സിറ്റി എന്ന പേരിലും അറിയപ്പെടുന്നു. സേലം മുനിസിപ്പാലിറ്റി സംസ്ഥാനത്തെ അഞ്ചാമത്തെ വലിയ നഗരമാണ്. മുമ്പ് ചേരം പ്രദേശത്തിന്‍റെ ഭാഗമായതിനാലാണ് ഈ നഗരം സേലം എന്ന പേരില്‍ അറിയപ്പെടാന്‍ കാരണം. പ്രദേശവാസികളുടെ പുരാതനമായി പിന്തുടര്‍ന്നുവന്ന തൊഴിലായിരുന്നു സേലൈ എന്നറിയപ്പെടുന്ന സ്ത്രീകളുടെ വസ്ത്രനിര്‍മ്മാണം.

സേലം ചിത്രങ്ങള്‍, അസ്തമയം
Image source: commons.wikimedia.org
സോഷ്യല്‍ നെറ്റ്‌വര്‍ക്കില്‍ ഷെയര്‍ ചെയ്യൂ

സേലത്തിലെ കാഴ്ചകള്‍

സേലം പ്രധാന വിനോദ-തീര്‍ഥാടന കേന്ദ്രങ്ങളിലൊന്നാണ്. കോട്ടൈ മാരിയമ്മന്‍ ക്ഷേത്രം, താരമംഗലം ക്ഷേത്രം, സേലം സുഗവനേശ്വര്‍ ക്ഷേത്രം, അരുള്‍മിഗി അളഗിരിനാഥര്‍ ക്ഷേത്രം, എള്ളൈ പെടാരി അമ്മന്‍ ക്ഷേത്രം, ജമാ മസ്ജിദ് എന്നിവയടക്കമുള്ള മത തീര്‍ഥാടനകേന്ദ്രങ്ങളാല്‍ സമ്പന്നമാണ് സേലം. യേര്‍ക്കോട് മലകള്‍, കിളിയൂര്‍ വെള്ളച്ചാട്ടം, താരമംഗലം മേട്ടൂര്‍ അണക്കെട്ട് എന്നിവ പ്രശസ്തമായ വിനോദസഞ്ചാരകേന്ദ്രങ്ങളാണ്.

ഷോപ്പിങ്ങിനും പ്രശസ്തമാണ് സേലം. സേലം നിര്‍മിതമായ വെള്ളി പാദസരങ്ങള്‍ രാജ്യ പ്രശസ്തമാണ്. ഇവിടെ നിര്‍മിക്കുന്ന മികച്ച നിലവാരമുള്ള വസ്ത്രങ്ങള്‍ ലോകത്തെ വിവിധ രാജ്യങ്ങളിലേക്ക് കയറ്റി അയക്കാറുണ്ട്. ഇവിടെ നിര്‍മിക്കുന്ന കോട്ടണ്‍-പട്ടുവസ്ത്രങ്ങളും പ്രശസ്തമാണ്.

ചരിത്രം ഇങ്ങനെ

ചേരസാമ്രാജ്യത്തിന്‍റെ തലവന്‍ ചേരമാന്‍ പെരുമാള്‍ സ്ഥാപിച്ചതായതിനാല്‍ നഗരം ചേരളം എന്ന  പേരിലാണ് അറിയപ്പെട്ടിരുന്നതെന്ന് ഐതിഹ്യങ്ങള്‍ പറയുന്നു. ചേരളം എന്നാല്‍ മലമ്പ്രദേശം എന്നാണ് അര്‍ഥം. ശിലായുഗത്തോളം പഴക്കമുള്ളതാണ് സേലത്തിന്‍റെ ചരിത്രം. പാലിയോലിത്തിക്, നിയോലിത്തിക് കാലത്ത് ജനങ്ങള്‍ ഇവിടെ താമസച്ചിരുന്നതിന്‍റെ തെളിവുകളുണ്ട്. നിരവധി ചക്രവര്‍ത്തിമാരുടെയും സാമ്രാജ്യങ്ങളുടെയും ഉദയാസ്തമനങ്ങള്‍ക്ക് സേലം സാക്ഷിയായിട്ടുണ്ട്.

പാണ്ഡ്യ, പല്ലവ, ചോഴ, ഹൊയ്സാല, ചാലൂക്യ രാജാക്കന്‍മാര്‍ സേലം അടക്കിവാണിരുന്നു. ഗംഗാ വംശത്തിലുള്ള രാജാക്കന്‍മാരാണ് ഇവിടെ ആദ്യം ഭരിച്ചിരുന്നതെന്ന് കരുതപ്പെടുന്നു. ഗംഗാകുലത്തില്‍പെട്ട രാജാക്കന്‍മാരാണ് അക്കാലത്ത് ഇവിടെ ഭരിച്ചിരുന്നത്. പിന്നീട് പ്രദേശം പടിഞ്ഞാറന്‍ ഗംഗാ വംശങ്ങളുടെ കീഴിലായി. വിജയനഗര സാമ്രാജ്യത്തിന്‍റെ അധിനിവേശത്തോടെ പിന്നീട് പ്രദേശം മധുരൈ നായകരുടെ  കീഴിലായി. മധുരൈ നായകര്‍ക്ക് ശേഷം ഗാട്ടി മുദാലിസ് പോലിഗാര്‍സിന്‍ സേലം ഭരിച്ചു. പതിനെട്ടാം നൂറ്റാണ്ടിന്‍റെ ആദ്യകാലങ്ങളില്‍  ഉണ്ടായ മധുര-മൈസൂര്‍ യുദ്ധങ്ങള്‍ക്ക് ശേഷം നഗരം ഹൈദര്‍ അലിയുടെ കീഴിലായി. 1768ല്‍ കേണല്‍ വുഡ് ഇത് പിടിച്ചെടുത്തെങ്കിലും പിന്നീട് 1772ല്‍ തിരികെ നല്‍കി. 1799ല്‍ ലോര്‍ഡ് ക്ലൈവ് പിടിച്ചെടുക്കുകയും 1861 വരെ പട്ടാള കേന്ദ്രമായി ഉപയോഗിക്കുകയും ചെയ്തു. സേലവും സങ്കഗിരിയുമായിരുന്നു കൊങ്കു സേനയും ബ്രിട്ടീഷ് സഖ്യസേനയും തമ്മിലുള്ള നിരവധി യുദ്ധങ്ങളുടെ പശ്ചാത്തലമായി.

സേലത്ത് എങ്ങനെയെത്താം

വിമാനം‍, റെയില്‍, റോഡ് മാര്‍ഗങ്ങളിലൂടെയെല്ലാം സേലത്തില്‍ എത്തിപ്പെടാന്‍ എളുപ്പമാണ്. ചെന്നൈയില്‍ എളുപ്പത്തില്‍ എത്താവുന്ന ഒരു ആഭ്യന്തര എയര്‍പോര്‍ട്ടും സേലത്തുണ്ട്. രാജ്യത്തെ പ്രധാന നഗരങ്ങളിലേക്ക് ട്രെയിന്‍ സൌകര്യമുള്ള റെയില്‍വേസ്റ്റേഷനാണ് സേലം ജങ്ഷന്‍. ചെന്നൈ ഉള്‍പ്പടെയുള്ള സമീപ നഗരങ്ങളിലേക്ക് ബസുകളും നിരവധിയുണ്ട്.

സേലത്തെ കാലാവസ്ഥ

ഉഷ്ണമേഖലാ കാലാവസ്ഥയുള്ള സേലം സന്ദര്‍ശിക്കാന്‍ അനുയോജ്യം ശൈത്യകാലമായ നവംബര്‍ മുതലുള്ള മാര്‍ച്ച് വരെയുള്ള മാസങ്ങളാണ്.

English Summary :
Salem is a city located in the North Central part of the south Indian state, Tamil Nadu. Located at a distance of 340 km away from the capital city of Chennai, Salem is also famous as the Mango City. It is the fifth largest city in the state and a Municipal Corporation. The city derives its name from the word Cheram which indicates that the region is a part of Cheram land. The ancient profession of the inhabitants of the region was to weave Saeylai which is a cloth worn by women. The glorious past
Please Wait while comments are loading...