Click it and Unblock the Notifications
ചുറ്റും ഹരിതപ്രഭ, ശാന്തമായൊഴുകുന്ന കുഞ്ഞരുവികള്‍, പക്ഷികളുടെ കളകൂജനം, ഭ്രമിപ്പിക്കുന്നതും ശാന്തമായതുമായ നീണ്ട നടപ്പാത. അതാണ് വന്‍സ്ദ ദേശീയോദ്യാനം. വന്യജീവി സ്നേഹികള്‍ തീര്‍ച്ചയായും ഇഷ്ടപ്പെടുന്ന ഈ 24 കിലോമീറ്റര്‍ പ്രദേശം യഥാര്‍ഥത്തില്‍ സന്‍സ്ദ മഹാരാജാവിന്‍െറ സ്വകാര്യ ഉടമസ്ഥതയിലുള്ള സ്ഥലമായിരുന്നു. ചെറുതെങ്കിലും മനോഹരവും നിബിഡവുമായ ഈ ഉദ്യാനത്തില്‍ വീടുകള്‍ കുറവാണ്. വന്യജീവികളായ പുലി, പുള്ളിപ്പുച്ച, ഈനാംപേച്ചി, വനഅണ്ണാന്‍, പുള്ളിപ്പുലി, മലമ്പാമ്പ് എന്നിവ ഈ വനത്തിലുണ്ട്. ചീഫ് വൈല്‍ഡ് വാര്‍ഡനില്‍ നിന്നോ ഡി.എഫ് ഒയില്‍ നിന്നേ അനുമതിയോടെ , പണം നല്‍കി നിങ്ങള്‍ക്ക് സ്ഥലം സന്ദര്‍ശിക്കാം.
