ഗുജറാത്തിലെ നര്മ്മദ ജില്ലയിലാണ് ശൂല്പനേശ്വര് വന്യജീവി സങ്കേതം സ്ഥിതിചെയ്യുന്നത്. ഇലപൊഴിയും കാടുകളുടെ ഗണത്തിലാണ് ശൂല്പനേശ്വര് വന്യജീവി സങ്കേതത്തെ ഉള്പ്പെടുത്തിയിട്ടുള്ളത്. 575 തരം പൂച്ചെടികള് ഈ വന്യജീവി സങ്കേതത്തില് ഉണ്ടെന്ന് കണക്കാക്കപ്പെടുന്നു. ഇതിനുപുറമെ ധാരാളം മുളകളും ഈ പ്രദേശത്ത് കാണാം. 608 ചതുരശ്ര കിലോമീറ്റര് വ്യാപിച്ചുകിടക്കുന്ന ശൂല്പനേശ്വര് സാങ്ങ്ചുറിയില് ചെന്നാല് മടിയന് കരടി, പുള്ളിപ്പുലി, കുരങ്ങുകള്, കാലമാന്, അപൂര്വ്വയിനം മാനുകള്, ഈനാംപേച്ചി, വിവിധയിനം ഇഴജന്തുക്കള് എന്നിവ സ്വൈര്യവിഹാരം നടത്തുന്നത് കാണാം.