സരിസ്കക്ക് സമീപം പ്രതാപ്ഘട്ട് നഗരത്തില് സ്ഥിതി ചെയ്യുന്ന ഈ കോട്ട സ്ഥാപിച്ചത് ആല്വാര് നാട്ടുരാജ്യത്തിന്െറ സ്ഥാപകനായ മഹാരാജാ പ്രതാപ് സിംഗ് ആണ്. മറ്റുള്ളവയില് നിന്ന് വ്യത്യസ്തമായി നല്ല രീതിയില് പരിപാലിക്കപ്പെടുന്ന ഈ ഭീമന് കോട്ട ജയ്പൂര് നഗരത്തില് നിര്മിച്ച രണ്ട് കോട്ടകള്ക്ക് മറുപടിയായാണ് നിര്മിച്ചതെന്നാണ് കരുതുന്നത്.
നഗരസുരക്ഷ ലക്ഷ്യമിട്ട് നിര്മിച്ചിട്ടുള്ള ഈ കോട്ടയിലെ പ്രധാന ആകര്ഷണം പട്ടാളക്കാര്ക്ക് കുടിവെള്ളം ശേഖരിക്കുന്നതിനുള്ള വലിയ ടാങ്ക് ആണ്. കോട്ടയിലേക്ക് കടക്കാനും പുറത്തുകടക്കാനുമായി രണ്ട് പ്രധാന ഗേറ്റുകളാണ് ഉള്ളത്. ഭംഗര് നഗരവുമായി ചരിത്രപരമായി ബന്ധമുള്ള ഈ കോട്ടയുടെ ചരിത്രപ്രാധാന്യം കണ്ടറിഞ്ഞ അധികൃതരുടെയും നാട്ടുകാരുടെയും കൂട്ടായ പ്രയത്നമാണ് കോട്ടയെ തകര്ച്ചയില് നിന്ന് സംരക്ഷിക്കുന്നത്.