സിംഹാചലത്തിലുള്ള വറ്റാത്തൊരു നീരുറവയാണ് ഇത്, മലമുകളില്‍ അരുവിയില്‍ നിന്നും രൂപപ്പെട്ട ഒരു സ്‌നാനഘട്ടമുണ്ട്, വളരെ വിശുദ്ധമായിട്ടാണ് ഇതിനെ കരുതിപ്പോരുന്നത്. ഇതിലെ ജലത്തിന് ഔഷധഗുണമുണ്ടെന്നും ഇതില്‍സ്‌നാനം ചെയ്താല്‍ രോഗങ്ങള്‍ഭേദപ്പെടുമെന്നും കരുതിപ്പോരുന്നു. ഇവിടെയെത്തുന്ന സന്ദര്‍ശകരെല്ലാം ഈ വിശ്വാസമനുസരിച്ച് സ്‌നാനം നടത്തുക പതിവാണ്. അടുത്ത കുറച്ചു വര്‍ഷങ്ങളായി ഏറെയാളുകളാണ് ഇത് കാണാനായി എത്തുന്നത്.