സോനിപത് ജില്ലയുടെ ആസ്ഥാനമാണ് സോനിപത് നഗരം. രാജ്യതലസ്ഥാനത്തില് പെടുന്ന ഈ പ്രദേശം ഡല്ഹിയില് നിന്ന് 20 കിലോമീറ്റര് അകലെയാണ്. സോനിപതിന്റെ കിഴക്ക് ഭാഗത്തുകൂടിയാണ് യമുന നദി ഒഴുകുന്നത്. മഹാഭാരത കാലഘട്ടത്തില് പാണ്ഡവ സഹോദരന്മാരാണ് സ്വര്ണ്ണപ്രസ്ഥ എന്ന പേരില് ഈ നഗരം സ്ഥാപിച്ചതെന്നാണ് വിശ്വാസം.
പുരാണമനുസരിച്ച് പാണ്ഡവരില് മൂത്തവനായ യുധിഷ്ഠിരന് സമാധാന ഉടമ്പടിയായി ഈ സ്ഥലം ആവശ്യപ്പെട്ടു. എന്നാല് ഇത് ചരിത്രപരമായ വസ്തുതയല്ല. വ്യാകരണ പണ്ഡിതനായ പാണിനി തന്റെ അഷ്ടാധ്യായി എന്ന കൃതിയില് ഈ സ്ഥലത്തെ പരാമര്ശിക്കുന്നുണ്ട്. ഇത് സൂചിപ്പിക്കുന്നത് ഈ നഗരം ബി.സി 600 കാലഘട്ടത്തില് നിലവിലുണ്ടായിരുന്നു എന്നതാണ്.
സോനിപതിലെ കാഴ്ചകള്
ഖ്വാജ കിസറിന്റെ ശവകുടീരമാണ് സോനേപതിലെ പ്രധാന കാഴ്ച. ഇബ്രാഹിം ലോധിയുടെ ഭരണകാലത്ത് ജീവിച്ചിരുന്നതെന്ന് കരുതപ്പെടുന്ന ധാര്യ ഖാന്റെ മകന്റെ ശവകുടീരമാണിത്. ചരിഞ്ഞ പ്രതലത്തില് നിര്മ്മിച്ചിരിക്കുന്ന ഈ കുടീരം 1522 നും 1525 നും ഇടയിലാണ് നിര്മ്മിക്കപ്പെട്ടത്. ചെങ്കല്ലും, കന്കാര് കട്ടകളും ഉപയോഗിച്ച് നിര്മ്മിച്ചിട്ടുള്ള അപൂര്വ്വം സ്മാരകങ്ങളിലൊന്നാണിത്. ആര്ക്കിയോളജിക്കല് സര്വ്വേ ഓഫ് ഇന്ത്യയാണ് ഇത് സംരക്ഷിച്ച് വരുന്നത്.
കാലാവസ്ഥ
ചൂടുള്ളതും വരണ്ടതുമായ കാലാവസ്ഥയാണ് പൊതുവെ സോനേപതില് അനുഭവപ്പെടുന്നത്.