Click it and Unblock the Notifications
തമിഴ്നാട്ടിലെ ചെറുതും, മനോഹരവുമായ ഒരു ഗ്രാമമാണ് തിങ്കളൂര്‍. തഞ്ചാവൂരില്‍ നിന്ന് 18 കിലോമീറ്റര്‍ അകലെയായാണ് തിങ്കളൂരിന്‍റെ സ്ഥാനം. ചെന്നൈ, കോയമ്പത്തൂര്, കുംഭകോണം,മധുര തുടങ്ങിയ പ്രധാന നഗരങ്ങളില്‍ നിന്ന് ഇവിടേക്ക് മികച്ച റോഡ് സൗകര്യമുണ്ട്.
കൈലാസനാഥര്‍ ക്ഷേത്രത്തിന്‍റെ സാന്നിധ്യത്താല്‍ ഇവിടം ഏറെ പ്രശസ്തമാണ്. ചന്ദ്രദേവന് സമര്‍പ്പിക്കപ്പെട്ട ഒരു ശ്രീകോവില്‍ ഈ ക്ഷേത്രത്തിലുണ്ട്. ഐതിഹ്യമനുസരിച്ച് ചന്ദ്രദേവനെ ശിവന്‍ ദാക്ഷപ്രജാപതിയുടെ ശാപത്തില്‍ നിന്ന് രക്ഷനേടാനായി തിങ്കളൂരിലേക്കയച്ചു. ചന്ദ്രന്‍റെയല്ലാത്ത സ്ഥാനത്തുള്ള നില്പ് മൂലം ഗ്രഹനിലയില്‍ പ്രശ്നങ്ങള്‍ നേരിടുന്നവരായിരുന്നു ഇവര്‍. ഇന്ന് ഇവിടെ സന്ദര്‍ശിക്കുന്ന വിശ്വാസികളിലേറെയും തങ്ങളുടെ ജാതകത്തില്‍ ചന്ദ്രന്‍റെ ദോഷഫലങ്ങള്‍ നീക്കാനായി പ്രാര്‍ത്ഥനക്കായി വരുന്നവരാണ്.
മതപരമായ പ്രാധാന്യം
മതപരമായ പ്രധാന്യമുള്ള ഈ സ്ഥലം നവഗ്രഹസ്ഥലങ്ങളില്‍ ഒന്നാണെന്നാണ് ഹിന്ദു ഐതിഹ്യം. കാവേരി നദിയുടെ തീരപ്രദേശത്തായി ഒരു തുരുത്തിലാണ് ഈ ക്ഷേത്രം സ്ഥിതി ചെയ്യുന്നത്.
യാത്രാമാര്‍ഗ്ഗവും, സന്ദര്‍ശനയോഗ്യമായ കാലവും
തിങ്കളൂരിലേക്ക് മികച്ച റോഡ് സംവിധാനങ്ങളാണ് ഉള്ളത്. എന്നാല്‍ ട്രെയിന്‍, വിമാന സൗകര്യങ്ങള്‍ ഇവിടെ ലഭ്യമല്ല. സര്‍ക്കാര്‍ വക ബസുകള്‍ ഇവിടെ ധാരാളമായി സര്‍വ്വീസ് നടത്തുന്നു. തിങ്കളൂരിലെ മെയിന്‍ ബസ്സ്റ്റാന്‍റില്‍ നിന്ന് മറ്റ് പ്രദേശങ്ങളിലേക്ക് ബസുകള്‍ സ്ഥിരമായി സര്‍വ്വീസ് നടത്തുന്നുണ്ട്. സന്ദര്‍ശനത്തിന് വരുന്നവര്‍, തിരക്കുള്ളതിനാല്‍ ബസുകളില്‍ സീറ്റ് റിസര്‍വ്വ് ചെയ്യുന്നത് നന്നായിരിക്കും. ഡിസംബര്‍, ജുനുവരി, ഫെബ്രുവരി മാസങ്ങളാണ് ഇവിടം സന്ദര്‍ശിക്കാന്‍ ഏറ്റവും അനുയോജ്യം.
