നഗരത്തിലെ പഴയ ബസ് സ്റ്റാന്റിനടുത്തായിട്ടാണ് ഈ ക്ഷേത്രം സ്ഥിതിചെയ്യുന്നത്. തിരുച്ചെന്തൂരിലേയ്ക്ക് യാത്രചെയ്യുകയായിരുന്ന ശിവനും പാര്വ്വതിയും ഇവിടുത്തെ വാഞ്ച പുഷ്കരിണി തീര്ത്ഥത്തിനടുത്ത് വിശ്രമിച്ചു. വിശ്രമത്തിനിടെ ശിവന് പാര്വ്വതിയ്ക്ക് പ്രണവമന്ത്രത്തിന്റെ പൊരുള് വ്യക്തമാക്കിക്കൊടുത്തുവത്രേ. അങ്ങനെ ഈ സ്ഥലത്തിന് തിരുമന്ദിര നഗര് എന്ന് പേരുണ്ടായി, ഇതാണ് പിന്നീട് തൂത്തുക്കുടിയായി മാറിയത്. ശിവനും പാര്വ്വതിയും വിശ്രമിച്ചിരുന്ന സ്ഥലത്താണത്രേ ഈ ക്ഷേത്രം പണിതിരിക്കുന്നത്.