രാജസ്ഥാനിലെ ടോങ്ങ് ജില്ലയില് ബനാസ് നദിയുടെ തീരത്തായി സ്തിഥി ചെയ്യുന്ന പട്ടണമാണ് ടോങ്ങ്. രാജഭരണത്തില് അധിഷ്ഠിതമായിരുന്നു ഈ നഗരി. ഇന്ത്യ സ്വതന്ത്രമാകുന്നതുവരെ അനവധി രാജവംശങ്ങള് ഈ പ്രദേശം ഭരിച്ചിട്ടുണ്ട്. ജയ്പൂര് നഗരത്തില് നിന്നും 95 കി.മീ ദൂരെയായാണ് ഇത് സ്ഥിതി ചെയ്യുന്നത്.
വിസ്മയിപ്പിക്കുന്ന ഒരുപാട് ദൃശ്യങ്ങളുണ്ട് ടോങ്ങില്. പൊയ്പോയ നാളിന്റെ ചരിത്ര സമൃദ്ധി വിളിച്ചോതുന്നവയാണ് ടോങ്ങിലെ സ്മാരകങ്ങള്. പട്ടണത്തിലും ചുറ്റുപാടുമായി വിനോദ സന്ചാരികളെ ആകര്ഷിക്കുന്ന ഒരുപാട് കൌതുകങ്ങളുമുണ്ട്. മാന്ഷന് ഓഫ് ഗോള്ഡ് അഥവാ സുനേരികോത്തി വിനോദ സന്ചാരികളെ ഏറെ ആകര്ഷിക്കുന്നതാണ്.
സംഗീത നൃത്യ കാവ്യാലാപനങ്ങള്ക്കായി നവാബ് മുഹമദ് ഇബ്രാഹിം അലി ഖാന് നിര്മിച്ച ഈ സൌധം പളുങ്കു ഛായാ ചിത്രങ്ങളുടെ ചെറിയൊരു കലവറ കൂടിയാണ്. സ്വര്ണ നിറമാര്ന്ന ചുവരുകളുള്ള ഈ കെട്ടിടത്തിന്റെ തളങ്ങള് ഛായം തേച്ച ചില്ലുകളാണ്. ശീശ് മഹല് എന്ന് അറിയപ്പെടുന്ന ഈ കണ്ണാടി മാളിക നജറ് ബാഗിലെ ബഡാകുവയ്ക്കടുത്താണ്.
തന്റെ ധന്യ ചരിതം വിളിച്ചോതുന്ന വേറെയും ചരിത്ര സ്മാരകങ്ങള് സുനേരി കോത്തിക്ക് പുറമെ ഈ ചെറു നഗരത്തിലുണ്ട്. റസിയ കെ ടെക് രി അവയിലൊന്നാണ്.പ്രേമ ഗീതികള് പാടി അവിടെ ഏറെ നേരം ചിലവഴിക്കാറുണ്ടായിരുന്ന ഒരു കയാത് കമിതാവാണ് ഈ നാമധേയത്തിനു പിന്നിലെന്നു് ഒരു കാല്പനിക കഥയെ അനുസ്മരിച്ചു് തദ്ദേശ വാസികള് പറഞ്ഞു. ചരിത്ര പ്രസിദ്ധമായഘണ്ടാ ഘഉം ജമാമസ്ജിദും ഇവിടത്തെ സ്മൃതി മണ്ഡപങ്ങളാണ്.ടോന്കിലെ ജമാമസ്ജിദ് ഇന്ത്യയിലെ തന്നെ ഏറ്റവും വലിയ പള്ളികളിലൊന്നാണ്. ധാരാളം തീര്ത്ഥാടകര് ഈ മുസ്ലിം ദേവാലയം കാണുവാനായി ഈ പട്ടണം സന്ദര്ശിക്കാറുണ്ട്.
മൈസൂര് ഗാര്ഡന്സിനോടും ഹിരണ് മഗരി പാര്ക്കിനോടും സദൃശമായി രൂപകല്പന ചെയ്ത ശിവാജി പാര്ക്ക് വിനോദ സന്ചാരികളുടെ ഉത്തമ കേന്ദ്രമാണ്. ഏക ശിലയില് കൊത്ത്പണിയാല് ആനയെ തീര്ത്ത ശില്പിയുടെ അസാമാന്യ കരവിരുതും ഹാതി ഭട്ടാ യില് സന്ചാരികള്ക്ക് ദര്ശിക്കാം. പട്ടണത്തില് നിന്നും യഥാക്രമം. 30 ഉം 22 ഉം കി.മീ. ദൂരപരിധിയില് ഈ രണ്ട് സ്ഥലങ്ങളും നിലകൊള്ളുന്നു.
ടോങ്ങ് നഗരത്തിന്റേതായി എയര്പോര്ട്ടോ റെയില്വേയൊ ഇല്ലെങ്കിലും സുഗമ മായ റോഡുകള് ഈ പട്ടണവുമായി ബന്ധിപ്പിച്ചിട്ടുണ്ട്. ഏറ്റവും അടുത്തുള്ള ജയ്പൂര് ഇന്റര് നാഷണല് എയര്പോര്ട്ട് ടോങ്ങില് നിന്നും 100 കി.മീ. അകലെ യാണ്. നാട്ടിലങ്ങോളമിങ്ങോളം വിവിധങ്ങളായ സ്ഥലങ്ങളില് നിന്നും, അന്താരാഷ്ട്ര വിമാനത്താവളങ്ങളില് നിന്നും ധാരാളം വിമാനങ്ങള് ജയ്പൂര് എയര് പോര്ട്ടിലേക്ക് പറക്കുന്നുണ്ട്. ബനസ്ഥാലിനെവായിയാണ് ഏറ്റവും അടുത്തുള്ള റെയില്വേ സ്റ്റേഷന്.
രാജ്യത്തിന്റെ പല ഭാഗങ്ങളില് നിന്നും ഏതാനും ട്രെയിനുകള് ഈ സ്റ്റേഷനിലേക്ക് ഉണ്ട്. ധാരാളം പ്രമുഖ നഗരങ്ങളില് നിന്നും, തൊട്ടുകിടക്കുന്ന പട്ടണങ്ങളില് നിന്നും, ടോങ്ങ് സന്ദര്ശകരുടെ സൌകര്യാര്ഥം, സ്ഥിരമായി ബസ്സ് സര്വീസുകളുണ്ട്. രാജസ്ഥാന് ട്രാന്സ്പോര്ട്ട് കോര്പറേഷന്റെ ബസ്സുകളും സ്വകാര്യ വാഹനങ്ങളും സമീപ പ്രദേശങ്ങളില് നിന്നും സര്വീസ് നടത്തുന്നുണ്ട്.
ചൂടുള്ള വരണ്ട കാലാവസ്ഥയാണ് ടോങ്ങില് അനുഭവപ്പെടുന്നത്. ഒക്ടോബറിനും ഫെബ്രുവരിക്കുമിടയിലെ ശീതളവും ഹൃദ്യവുമായ കാലാവസ്ഥയാണു ഇവിടം സന്ദര്ശിക്കുവാന് ഏറ്റവും ഉത്തമം. തീക്ഷണത കുറഞ്ഞ താപനിലയും നേര്ത്ത മഴയുമുള്ള മണ്സൂണിലുംചരിത്രധന്യമായ ഈ പട്ടണം സന്ദര്ശിക്കാം.