ഡാനിഷ് സാമ്രാജ്യത്വ ശക്തികളുടെ കടന്ന്കയറ്റം മുതല് ക്കുള്ള അനര്ഘമായ പല കരകൌശല വസ്തുക്കളുടെയും അമൂല്യമായ ശേഖരം ഈ മ്യൂസിയത്തിലുണ്ട്. വര്ത്തമാന കാലത്തെ അതിശയിപ്പിക്കുന്ന പല നിത്യോപയോഗ സാധനങ്ങളുടെയും മാതൃകകള് ഇവിടെ കാണാം. ട്രാന് ക്യുബാറില് താമസമാക്കിയ ഡാനിഷുകളാണ് ഇവയുടെ നിര്മ്മാതാക്കളും ഉപഭോക്തരും. ഇന്ത്യയിലെ പുരാവസ്തു ഗവേഷണ വകുപ്പിന്റെ നേരിട്ടുള്ള മേല് നോട്ടത്തിലാണ് ഈ കാഴ്ചബംഗ്ളാവ്.
അത്യപൂര്വ്വമായ ഡച്ച്കയ്യെഴുത്ത് പ്രതികള് , പിഞ്ഞാണ പാത്രങ്ങള് , കളിമണ് പ്രതിമകള് എന്നിങ്ങനെ ഒരുപാട് സ്മൃതിശകലങ്ങള് ഈ ശെഖരത്തില് ഉള് പെടുന്നുണ്ട്. പണ്ട്കാലത്തെ ആയുധങ്ങളുടെ മാതൃകകളും ഇവിടെയുണ്ട്. വാളുകള് , കഠാരകള് , പരിച, കുന്തം എന്നിവയില് നിന്നിപ്പോഴും രണഭേരി മുഴങ്ങുന്നുണ്ടോ എന്ന് തോന്നിപ്പോകും. ഓരോ കാഴ്ചയും കരനിര്മ്മിതിയുടെ ഉത്കൃഷ്ട രൂപങ്ങളാണ്. ഇവയ്ക്ക് പിന്നിലെ ചരിത്രത്തിനും സംഭവങ്ങള് ക്കും സാക്ഷിയായി കടല് തീരത്ത് പ്രൌഢിയോടെ തലയുയര്ത്തി നില്ക്കുന്ന ഡാന് സ്ബോര്ഗ് കോട്ടയിലാണ് ഗതകാല സ്മൃതിധന്യമായ ഈ മ്യൂസിയം.