മുംബൈ നഗരത്തിരക്കിന്റെ മടുപ്പിൽ നിന്ന് ആശ്വാസം കണ്ടെത്തി യാത്ര പോകുന്നവരുടെ പ്രിയപ്പെട്ട പറുദീസകളിൽ ഒന്നാണ് ലോണാവാല എന്ന സുന്ദരമായ ഹിൽസ്റ്റേഷൻ. സഹ്യാദ്രി മലനിരകളുടെ ഭാഗമായ ഈ ഹിൽസ്റ്റേഷൻ സമുദ്ര നിരപ്പിൽ നിന്ന് 625 മീറ്റർ ഉയരത്തിലായാണ് സ്ഥിതി ചെയ്യുന്നത്.
മുംബൈ, പൂനെ എന്നീ നഗരങ്ങളിൽ നിന്ന് വെറും 100 കിലോമീറ്റർ യാത്ര ചെയ്താൽ എത്തിച്ചേരാം എന്നത് തന്നെയാണ് ലോണാവാലയെ നഗരവാസികളുടെ ഇഷ്ട സ്ഥലമാക്കി മാറ്റുന്നത്. മുംബൈ - പൂനെ റെയിൽപാതയിലെ ഒരു സ്റ്റേഷനാണ് ലാണാവാല അതിനാൽ ലോണാവലയിൽ എത്തിച്ചേരാൻ ഒരു പ്രയാസവുമില്ല.
ഇതുമാത്രമല്ല മുംബൈ - പൂനെ എക്സ്പ്രസ് ഹൈവേ കടന്നുപോകുന്നത് ലോണാവാലയിൽ കൂടിയാണ്.
ഗുഹകൾ എന്ന് അർത്ഥം വരുന്ന ലോണവ്ലി എന്ന സംസ്കൃത വാക്കിൽ നിന്നാണ് ലാണാവാലയ്ക്ക് ആ പേര് ലഭിച്ചതെന്നാണ് പറയപ്പെടുന്നത്. ലെൻ ആവലി എന്ന വാക്കിൽ നിന്നാണ് ലോണാവാല എന്ന പേരുണ്ടായത് എന്നും ചിലർ വിശ്വസിക്കുന്നു.
Photo Courtesy: Arjun Singh Kulkarni
കരിങ്കല്ലിൽ കൊത്തിയുണ്ടാക്കിയ വിശ്രമ സ്ഥലത്തേയാണ് ലെൻ എന്ന് വിളിക്കുന്നത്. ആവലി എന്നവാക്കിന്റെ അർത്ഥം കൂട്ടം എന്നാണ്. ലോണാവാലയിൽ ഇത്തരത്തിൽ നിരവധി വിശ്രമ സ്ഥലങ്ങൾ ഉള്ളതിനാലാവാം ലെൻ ആവലി എന്ന പേരുണ്ടായത്. Photo Courtesy: Alosh Bennett
പണ്ട് കാലത്ത് ലോണാവാല ഭരിച്ചിരുന്നത് യാദവ രാജാക്കന്മാര് ആയിരുന്നു. പിന്നീട് വന്ന മുഗള് രാജാക്കന്മാര് ലോണാവാലയുടെ രാജ്യ തന്ത്ര പ്രാധാന്യം മനസ്സിലാക്കുകയും വളരെ ക്കാലം ഭരണം തുടരുകയും ചെയ്തു. Photo Courtesy: SMU Central University Libraries
1871 ല് ബോംബെ ഗവര്ണര് സര് എല്ഫിന്സ്റ്റോണ് ലോണാവാലയെ കണ്ടെത്തുമ്പോള് ജനവാസം കുറഞ്ഞ ഇടതിങ്ങിയ കാട്ടു പ്രദേശമായിരുന്നു. ബ്രിട്ടീഷുകാരാണ് ലോണാവാലയെ ഒരു ഹിൽസ്റ്റേഷനായി ഉയർത്തിയത്. Photo Courtesy: Abhishek.cty
സഹ്യപര്വ്വതത്തിന്റെ രത്നാഭരണം എന്നറിയപ്പെടുന്ന ലോണാവാല ഹൈക്കിംഗിനും ട്രെക്കിംഗിനും പറ്റിയ സ്ഥലമാണ്. ഇത് കൂടാതെ ചരിത്ര പ്രാധാന്യമുള്ള കോട്ടകള്, പ്രാചീന കാലത്തെ ഗുഹകൾ, സുന്ദരമായ തടാകങ്ങൾ തുടങ്ങിയ കാഴ്ചകളൊക്കെ ലോണാവാലയിൽ കാണാം. Photo Courtesy: Karan Dhawan India
ഡക്കാന് പീഠഭൂമി ഒരു വശത്തും കൊങ്കണ് തീരപ്രദേശം മറു വശത്തുമായി പരന്നു കിടക്കുന്ന മനോഹര ദൃശ്യം ലോണാവാലയിലെ മലമുകളിൽ നിന്ന് കാണാം. മഴക്കാലമാണ് സുന്ദരമായ ഈ കാഴ്ചകൾ കാണാൻ പറ്റിയ സമയം. Photo Courtesy: Gauravyawalkar.2012
പാവന തടാകം, വളവന് തടാകം, തുംഗാര്ലി തടാകം, അണക്കെട്ട് തുംഗിലെയും ടിലോണയിലെയും ലോഹഗൃഹി ( അഥവാ 'ഇരുമ്പ് വീട് ')ലെയും അതി പുരാതനമായ കോട്ടകള് എന്നിവ കൂടാതെ സുന്ദരമായ നിരവധി വെള്ളച്ചാട്ടങ്ങളും ഇവിടെ കാണാൻ കഴിയും.
Photo Courtesy: Gauravyawalkar.2012
റായിവൂഡ് പാര്ക്ക് ലോണാവാലയിലെ വൃക്ഷസമൃദ്ധമായ വിശാലമായ ഒരു പൂന്തോട്ടമാണ്. കുഞ്ഞുങ്ങള് ആ വലിയ മൈതാനത്ത് ഓടിക്കളിക്കാന് ഇഷ്ടപ്പെടും. അതുപോലെ വിനോദത്തിനു പറ്റിയ സ്ഥലമാണ് ശിവജി ഉദ്യാനവും. Photo Courtesy: ptwo
ലോണാവാൽ റെയിൽവേ സ്റ്റേഷൻ, മുംബൈ - പൂനേ റെയിൽപാത കടന്നു പോകുന്നത് ഇതുവഴിയാണ്.
Photo Courtesy: Vamsi.penmetsa
മുംബൈ - പൂനെ എക്സ്പ്രസ് ഹൈവേ കടന്നുപോകുന്നത് ലോണാവാലയിൽ കൂടിയാണ് Photo Courtesy: Gauravyawalkar.2012
മികച്ച ട്രാവല് ഡീലുകളും ടിപ്സുകളും യാത്രാ വിവരണങ്ങളും അറിയാം... Subscribe to Malayalam Nativeplanet