യാത്ര കൊച്ചിയിൽ നിന്ന്
ആദ്യ യാത്രയിലെ ലക്ഷ്യം ആതിരപ്പള്ളിയാണ് ആതിരപ്പള്ളിയിലേക്ക് ആലുവ അങ്കമാലി വഴിയാണ് എത്തിച്ചേരേണ്ടത്. രാവിലെ അഞ്ച് മണിക്ക് കൊച്ചിയിൽ നിന്ന് യാത്ര പുറപ്പെട്ടാൽ ആറര ഏഴുമണിയോടെ ആതിരപ്പള്ളിയിൽ എത്തിച്ചേരാം.
Photo courtesy: കാക്കര
അതിരപ്പള്ളിയിൽ
അതിരപ്പള്ളി തൃശ്ശൂര്‍ ജില്ലയിലെ മുകുന്ദപുരം താലൂക്കിലാണ്‌ അതിരപ്പള്ളി സ്ഥിതി ചെയ്യുന്നത്. കൊച്ചിയില്‍ നിന്ന് 66 കിലോമീറ്റര്‍ അകലെയാണ്‌ അതിരപ്പള്ളി. ഇവിടം മനോഹരമായ വെള്ളച്ചാട്ടങ്ങള്‍ക്കും ആകര്‍ഷകമായ മഴക്കാടുകള്‍ക്കും പ്രശസ്‌തമാണ്‌. അതിരപ്പള്ളിയേക്കുറിച്ച് വായിക്കാം
Photo courtesy: Rameshng
അതിരപ്പള്ളിയിലെ കാഴ്ചകൾ
അതിരപ്പള്ളിക്ക് സമീപം മറ്റു ചില വെള്ളച്ചാട്ടങ്ങൾ കൂടെയുണ്ട്. യാത്രയിൽ അവയും കണ്ടിരിക്കേണ്ടതാണ്. അതിരപ്പള്ളിയിലെ കാഴ്ചകൾ കാണാം
Photo courtesy: NIHAL JABIN
ചാലക്കുടിയിലേക്ക്
അതിരപ്പള്ളിയിൽ നിന്ന് ചാലക്കുടിക്ക് എത്തിച്ചേരാൻ എളുപ്പമാണ്. വെറും 13 കിലോമീറ്ററേയുള്ളു അതിരപ്പള്ളിയിൽ നിന്ന് ചാലക്കുടിയിലേക്ക്. വേണമെങ്കിൽ ചാലക്കുടിയിലെ ചില കാഴ്ചകളും കാണാം. ചാലക്കുടിയിൽ രാത്രി തങ്ങി നെല്ലിയാമ്പതിക്ക് പോകുന്നതാണ് നല്ലത്.
Photo courtesy: Vinayaraj
നെല്ലിയാമ്പതിയിലേക്ക്
ചാലക്കുടിയിൽ നിന്ന് വടക്കാഞ്ചേരി വഴി നെന്മാറയിൽ ആണ് ആദ്യം എത്തിച്ചേരേണ്ടത്. അവിടെ നിന്ന് വനംവകുപ്പിന്റെ ചെക്കുപോസ്റ്റ് കടന്ന് നെല്ലിയാമ്പതിയിലേക്ക്.
നെല്ലിയാമ്പതിയിൽ
പാലക്കാട് ജില്ലയിലാണ് പ്രശസ്ത ഹിൽസ്റ്റേഷനായ നെല്ലിയാമ്പതി സ്ഥിതി ചെയ്യുന്നത്. സാഹസികപ്രിയരുടെ ഇഷ്ട സ്ഥ‌ലമായ നെല്ലിയാമ്പതി ഓറഞ്ച് തോട്ടങ്ങൾക്ക് പേരുകേട്ട സ്ഥലമാണ്. നെല്ലിയാമ്പതിയിൽ താമസിക്കാൻ ആഗ്രഹിക്കുന്നവർക്ക് കോട്ടേജുകൾ ലഭ്യമാണ്.
Photo courtesy: Sathyavrathan PK
കേരളത്തിന്റെ ഊട്ടി
കേരളത്തിന്റെ ഊട്ടി എന്ന് നെല്ലിയാമ്പതിയെ വിശേഷിപ്പിക്കുന്നതിൽ തെറ്റില്ല. നെന്മാറയിൽ നിന്ന് നെല്ലിയാമ്പതിയിലേക്കുള്ള യാത്ര അങ്ങേയറ്റം ത്രില്ലടിക്കുന്ന ഒന്നാണ്. നിരവധി ഹെയർ പിന്നുകൾ കയറി വേണം നെന്മാറയിൽ നിന്ന് നെല്ലിയാമ്പതിയിലേക്ക് എത്തിച്ചേരാൻ.
Photo courtesy: Prashanth dotcompals
കോടമഞ്ഞിന്റെ സൗന്ദര്യം
കോടമഞ്ഞ് പുതച്ച മലനിരകളാണ് നെല്ലിയാമ്പതിയിൽ നിങ്ങളെ സ്വാഗതം ചെയ്യുന്നത്. ആകാശം മുട്ടി നിൽക്കുന്ന കോടഞ്ഞ് പുതച്ച മലനിരകൾ ചിലപ്പോൾ ഹിമാലയൻ സാനുക്കളെ ഓർമ്മിപ്പിച്ചേക്കാം.
Photo courtesy: Ashwin Kumar
ഓറഞ്ച് തോട്ടങ്ങൾ
കേരളത്തില്‍ ഓറഞ്ച് തോട്ടമുള്ള ഒരേയൊരു വിനോദ സഞ്ചാര കേന്ദ്രം കൂടിയാണ് നെല്ലിയാമ്പതി. നെല്ലിയാമ്പതിയിലേക്കുള്ള യാത്രയില്‍ ഇത്തരത്തിലുള്ള നിരവധി സ്വകാര്യ ഓറഞ്ച് തോട്ടങ്ങള്‍ നമുക്ക് കാണാനാകും.
Photo courtesy: Jithesh
പോത്തുണ്ടി ഡാം
ബോട്ടിംഗ് സൌകര്യത്തോടുകൂടിയ പോത്തുണ്ടി ഡാം ഇവിടെയെത്തുന്ന സന്ദര്‍ശകര്‍ക്കുള്ള മറ്റൊരു ആകർഷണമാണ്. പ്രകൃതി സൗന്ദര്യം ആവോളം ആസ്വദിച്ച് ഓളപ്പരപ്പിലൂടെയുടെയുള്ള യാത്ര ഒരിക്കലും മറക്കാനാവില്ല.
Photo courtesy: Ashwin Kumar
ജൈവ വൈവിധ്യങ്ങൾ
അനേകായിരം പക്ഷികളും വൈവിധ്യമാര്‍ന്ന പൂക്കളും ഔഷധ സസ്യങ്ങളും നെല്ലിയാമ്പതിയുടെ പ്രത്യേകതയാണ്. വിവിധ തരത്തിലുള്ള വന്യജീവികളേയും ഇവിടെയെത്തുന്നവര്‍ക്ക് കാണാന്‍ കഴിയും.
Photo courtesy: Prashanth dotcompals
സീതകുണ്ട്
പാലകപാണ്ടി എസ്റ്റേറ്റിനടുത്തുള്ള സീതക്കുണ്ടില്‍ നിന്നുള്ള കാഴ്ചയും 100 മീറ്റര്‍ ഉയരത്തില്‍ നിന്നുള്ള വെള്ളച്ചാട്ടവും കണ്ടാലും കണ്ടാലും മതിവരില്ല. നെല്ലിയാമ്പതിയിലെ സീതക്കുണ്ടില്‍ നിന്നാൽ പാലക്കാട‌ൻ നെ‌‌ൽവയലുകൾ പച്ചപരവാതാനി പോലെ സുന്ദരമായ കാഴ്ച ഒരുക്കിയിരിക്കുന്നത് കാണാം.
Photo courtesy: Jithesh
മലനിരകൾ
പാദദിരി മലയാണ് നെല്ലിയാമ്പതിയിലെ ഏറ്റവും ഉയരമുള്ളത്. മലകളെ തഴുകി നീങ്ങുന്ന കോടമഞ്ഞിന്റെ നൈര്‍മല്യം സഞ്ചാരികള്‍ക്ക് സ്വര്‍ഗ്ഗീയ അനുഭൂതിയാണ് പകരുന്നത്.
Photo courtesy: Ashwin Kumar
തേയിലത്തോട്ടങ്ങൾ
നെല്ലിയാമ്പതിയിലേക്കുള്ള യാത്രയില്‍ വഴിമധ്യേയുള്ള തേയിലത്തോട്ടങ്ങള്‍ ഭൂമിക്ക് പച്ചപ്പുതപ്പ് പോലെയാണ് അനുഭവപ്പെടുക. ഏലത്തോട്ടങ്ങളും കാപ്പിത്തോട്ടങ്ങളും ഭൂമിക്ക് വശ്യതയാര്‍ന്ന മനോഹാരിത നല്‍കിയിരിക്കുന്നതും ഇവിടെ കാണാം.
Photo courtesy: Ashwin Kumar
ജീപ്പ് യാത്ര
നെല്ലിയാമ്പതിയിലേക്ക് കയറിപ്പോകുന്ന ഒരു ജീപ്പ്
Photo courtesy: Ashwin Kumar
മലമുകളിലെ ജീപ്പ്
നെല്ലിയാമ്പതി മലമുകളിൽ കയറി ചെന്ന ജീപ്പ്
Photo courtesy: Ashwin Kumar
Click it and Unblock the Notifications
