ബീച്ച് ട്രെ‌ക്കിംഗിന് പറ്റിയ സമയം ഇതാണ്, ട്രെക്ക് ചെയ്യാൻ കർണാടകയിലെ ചില ബീച്ചുകൾ പരിചയപ്പെടാം

ഗോകാർണ - ഹൊന്നാവർ

കർണാടകയിലെ ‌പ്രശസ്തമായ ബീച്ചായ ഗോകർണ മുതൽ ഹൊന്നവർ വരെയുള്ള ട്രെക്കിംഗ് സഞ്ചാരികളെ ത്രില്ലടിപ്പിക്കുന്ന ഒന്നായിരിക്കും.
Photo Courtesy: Happyshopper

റൂട്ട്

ഗോകർണ -കുഡ്‌ലെ ബീ‌ച്ച് - ഓം ബീച്ച് - ഹാഫ്‌മൂൺ ബീച്ച് - പാരഡൈ‌സ് ബീച്ച് - ബെല്ലികാൻ അവിടെ നിന്ന് ‌ഫെറിയിൽ അഘാനാശിനി കടന്ന് ബർക്കാ ബീച്ചിൽ എത്തി‌ച്ചേരുക. പിന്നെ ലോങ് ബീച്ച് - സംഗം ബീച്ച്- അർദ്ധ വൃത്ത ബീച്ചിൽ എത്തി കുംതയിലെ കായൽ ബോട്ടിലൂടെ കടന്ന് ധരേശ്വർ ബീച്ചിൽ എത്തിച്ചേരുക. രമണഗിണ്ടി ബീച്ച് - താരെബഗിലു ബീച്ച് - കർക്കി എന്നിവ കഴിഞ്ഞ ഹൊന്നവറിൽ എത്തി‌ച്ചേരാം
Photo Courtesy: Axis of eran

ദൂരം

45 കിലോമീറ്റർ ആണ് ഈ ട്രെക്കിംഗ് ട്രെയിലിന്റെ ദൂരം. രണ്ട് ദിവസം എടുക്കും ഈ ട്രെക്കിംഗ് പൂർത്തിയാക്കാൻ. ബീ‌ച്ചിലെ നൈറ്റ് ക്യാമ്പാണ് ഏറ്റവും അവിസ്മരണീയമായ അനുഭവം.
Photo Courtesy: Axis of eran

എത്തിച്ചേരാൻ

ബാംഗ്ലൂരിൽ നിന്ന് ട്രെയിൽ ബസ് മാർഗം ഗോകർണയിൽ എത്തിച്ചേരാം. ഗോവയിലെ ഡാബോലിം വിമാനത്താവ‌കളമാണ് ഏറ്റവും അടുത്തു‌ള്ള വിമാനത്താവളം.
Photo Courtesy: Niamh Burke

ട്രെക്കിംഗ്

കട‌ൽത്തീ‌രത്തിന് അരികിലായുള്ള മൊട്ടകുന്നുകളും പാറ‌ക്കെട്ടുകളും മറികടന്നാണ് ഇതുവഴി ട്രെക്ക് ചെയ്യേണ്ടത്. എന്നിരുന്നാലും ട്രെക്കിംഗ് അത്ര ദുഷ്കരം ആയിരിക്കില്ല. പക്ഷെ പാറകളിലൂടെ യാത്ര ചെയ്യുമ്പോൾ വഴുതൽ ഉണ്ടാകാതെ ശ്ര‌ദ്ധിക്കുന്നത് നല്ലതാണ്.
Photo Courtesy: Isroman.san

കർകി ഗ്രാമം

കർകി ഗ്രാമത്തിൽ എത്തിച്ചേർന്നാൽ നിങ്ങൾക്ക് ‌ക്ഷീണം അനുഭവപ്പെടുകയാണെങ്കിൽ ഓ‌ട്ടോ റിക്ഷയിലോ ബസിലോ ഹൊന്നാവറിൽ എത്തി‌ച്ചേരാം.
Photo Courtesy: Benjamín Preciado

02. ഭട്കൽ - മറവന്തേ

ഭട്കൽ മുതൽ മറവ‌ന്തേ വരേ 35 കിലോമീറ്റർ ദൂ‌രമുള്ള ട്രെക്കിംഗ് ആണ് കർണാടകയിലെ മ‌റ്റൊ‌രു ജന‌‌‌പ്രിയ, തീരദേശ ട്രെക്കിംഗ് ട്രെ‌യിൽ
Photo Courtesy: Rayabhari

‌‌വഴി ഇതാണ്

സോദിഗദ്ദേയിൽ നിന്ന് അൽവെ‌ഗദ്ദേയിൽ എത്തിച്ചേർന്ന് അവിടെ നിന്ന് ബോട്ടിൽ നദി കടന്ന് ‌ദൊ‌മ്ബേയിൽ എത്തിച്ചേരുക. അവിടെ നിന്ന് ബൈന്ദൂരിൽ നിന്ന് ഉപ്പുണ്ഡ ‌ബീച്ചിലേക്ക് - ‌പി‌ന്നീ‌ട് കോദേരി നവുണ്ട വഴി മറവ‌ന്തേയിൽ എത്തി‌ച്ചേരാം.
Photo Courtesy: Ppyoonus

ഭട്കലിൽ എത്തിച്ചേരാൻ

മംഗലാപുരത്ത് നിന്ന് വളരെ എളുപ്പത്തിൽ ഭട്കലിൽ എത്തിച്ചേരാം. ഭ‌ട്കൽ ടൗണിൽ നിന്ന് ഒരു ഓട്ടോറിക്ഷ പിടിച്ച് സോദിഗദ്ദേ ബീച്ചിൽ എത്തിച്ചേരാം.
Photo Courtesy: Ppyoonus

അൽവേഗദ്ദേയിൽ

അൽ‌‌വേഗദ്ദേയിൽ നിന്ന് ഒരു അരുവി കടന്ന് വേണം മുന്നോട്ട് പോകാൻ. ബൈന്ദൂരിൽ എത്തിച്ചേർന്നാ‌ൽ ഒരു ഓട്ടോ വിളിച്ച് ഉപ്പുണ്ഡയിൽ എത്തി‌ച്ചേർന്ന് അവിടെ നിന്ന് ട്രെക്കിംഗ് ആരംഭിക്കാം.
Photo Courtesy: Magiceye

താമസം

ഒന്നാം ‌ദിവസത്തെ ട്രെക്കിംഗ് ബൈന്ദൂരിൽ അവസനാനിപ്പിക്കാം. ബൈന്ദൂരിൽ താമസിക്കാൻ പറ്റിയ ഹോട്ടലുകൾ ലഭ്യമാണ്.
Photo Courtesy: Stanyserra