Search
  • Follow NativePlanet
Share
» »വണ്ടർലാ മുതൽ വിസ്മയാപാർക്ക് വരെ!

വണ്ടർലാ മുതൽ വിസ്മയാപാർക്ക് വരെ!

By Maneesh

ഈ അവധിക്കാലത്ത് യാത്ര ചെയ്യാൻ ചില അമ്യൂസ്‌മെ‌ന്റ് പാർക്കുകളാണോ നിങ്ങൾ തിരയുന്നത്. കേരളത്തിൽ ഏഴ് അമ്യൂസ്മെന്റ് പാർക്കുകൾ ഉണ്ട്. ഇവയിൽ ഏറ്റവും പ്രശസ്തം മുൻപ് വീഗാലാൻഡ് എന്ന് അറിയപ്പെടുന്ന വണ്ടർലായാണ്. വീഗാർഡ് ഗ്രൂപ്പിന്റെ സ്ഥാപകൻ കൊച്ചൗസേഫ് ചിറ്റലപ്പള്ളിയാണ് ഇതിന്റെ സ്ഥാപകൻ.

വണ്ടർലാ കഴിഞ്ഞാൽ കണ്ണൂരിലെ വിസ്മയ വാട്ടർതീം പാർക്കാണ് പ്രശസ്തമായ മറ്റൊരു അമ്യൂസ്‌മെന്റ് പാർക്ക്. സി പി എമ്മിന്റെ നേതൃത്വത്തിൽ രൂപംകൊടുത്ത മലബാർ ടൂറിസം ഡെവലപ്പ്‌മെന്റ് കോപ്പറേറ്റീവ് ലിമിറ്റിഡ് എന്ന സഹകരണ സ്ഥാപനമാണ് ഈ വാട്ടർ തീം പാർക്ക് നടത്തുന്നത്.

കേരളത്തിലെ ആദ്യത്തെ അമ്യൂസ്‌മെന്റ് പാർക്കായ ഫാന്റസി പാർക്ക് സ്ഥിതി ചെയ്യുന്നത് മലമ്പുഴയിലാണ്. ഈ അവധിക്കാലത്ത് സന്ദർശിക്കാവുന്ന കേരളത്തിലെ ഏഴ് അമ്യൂസ്‌മെന്റ് പാർക്കുകളെ നമുക്ക് പരിചയപ്പെടാം.

സിൽവർ സ്റ്റോം അമ്യൂസ്‌മെന്റ് പാർക്ക്

സിൽവർ സ്റ്റോം അമ്യൂസ്‌മെന്റ് പാർക്ക്

തൃശൂർ ജില്ലയിൽ, പ്രശസ്തമായ ആതിരപ്പള്ളി വെള്ളച്ചാട്ടത്തിന് സമീപം വെറ്റിലപ്പാറയിലാണ് ഈ പാർക്ക് സ്ഥിതി ചെയ്യുന്നത്. വ്യത്യസ്തമായ റൈഡുകളാണ് ഈ പാർക്കിന്റെ ഏറ്റവും വലിയ പ്രത്യേകത. നാൽപ്പതിൽ അധികൾ റൈഡുകൾ ഈ പാർക്കിൽ ഒരുക്കിയിട്ടുണ്ട്.

ചിത്രത്തിന് കടപ്പാട്: Rameshng

ഡ്രീം വേൾഡ് വാട്ടർ പാർക്ക്

ഡ്രീം വേൾഡ് വാട്ടർ പാർക്ക്

തൃശൂർ ജില്ലയിലെ ചാലക്കുടിയിലാണ് ഈ വാട്ടർ പാർക്ക് സ്ഥിതി ചെയ്യുന്നത്. റെയിൻ ഡാൻസിനുള്ള സൗകര്യം ആദ്യമായി ആരംഭിച്ചത് ഡ്രീം വേൾഡിലാണ്.

ചിത്രത്തിന് കടപ്പാട്: www.keralatourism.org

ഫാന്റസി അമ്യൂസ്മെന്റ് പാർക്ക്

ഫാന്റസി അമ്യൂസ്മെന്റ് പാർക്ക്

കേരളത്തിലെ ഏറ്റവും ആദ്യത്തെ അമ്യൂസ്മെന്റ് പാർക്കായ ഈ പാർക്ക് സ്ഥിതി ചെയ്യുന്നത് മലമ്പുഴയിലാണ്. ഡിജിറ്റൽ പ്ലാനറ്റേറിയമാണ് ഇവിടുത്തേ ഏറ്റവും വലിയ പ്രത്യേകത.
www.fantasypark.in

ഹാപ്പി ലാൻഡ് അമ്യൂസ്മെന്റ് പാർക്ക്

ഹാപ്പി ലാൻഡ് അമ്യൂസ്മെന്റ് പാർക്ക്

തിരുവനന്തപുരം ജില്ലയിലെ വെമ്പയത്താണ് ഈ പാർക്ക് സ്ഥിതി ചെയ്യുന്നത്. സൗത്ത് ഇന്ത്യയിലെ തന്നെ ആദ്യത്തെ വാട്ടർ തീം പാർക്കാണ് ഇത്. www.happylandtvm.com

സാധൂ മെറി കിംഗ്ഡം

സാധൂ മെറി കിംഗ്ഡം

കണ്ണൂർ ജില്ലയിലെ ചാലക്കുന്നിലാണ് ഈ പാർക്ക് സ്ഥിതി ചെയ്യുന്നത്. വടക്കൻ കേരളത്തിലെ ആദ്യത്തെ അമ്യൂസ്‌മെന്റ് പാർക്കാണ് ഇത്.

www.sadhoomerrykingdom.com

വണ്ടർലാ

വണ്ടർലാ

എറണാകുളത്തെ പള്ളിക്കരയിലാണ് മുൻപ് വീഗാലാൻഡ് എന്ന് അറിയപ്പെട്ടിരുന്ന ഈ പാർക്ക് സ്ഥിതി ചെയ്യുന്നത്. കേരളത്തിലെ ഏറ്റവും ജനപ്രിയമായ വാട്ടർ തീം പാർക്കാണ് ഇത്. കൊച്ചിയിൽ നിന്ന് 15 കിലോമീറ്റർ അകലെയായിട്ടാണ് ഈ പാർക്ക് സ്ഥിതി ചെയ്യുന്നത്.

ചിത്രത്തിന് കടപ്പാട്: RanjithSiji

വിസ്മയ വാട്ടർ തീം പാർക്ക്

വിസ്മയ വാട്ടർ തീം പാർക്ക്

കണ്ണൂർ ജില്ലയിൽ തളിപ്പറമ്പിന് അടുത്തായാണ് വിസ്മയ വാട്ടർതീം പാർക്ക് സ്ഥിതി ചെയ്യുന്നത്. വാട്ടർ റൈഡുകൾ കൂടാതെ നിരവധി അഡ്വഞ്ചർ റൈഡുകളും ഈ തീം പാർക്കിന്റെ പ്രത്യേകതയാണ്. ലോകത്തിലെ തന്നെ പരിസ്ഥിതി സൗഹൃദ വാട്ടർ തീം പാർക്കാണ് ഇത്. മഴവെള്ളം സംഭരണികളാണ് ഈ പാർക്കിന്റെ മറ്റൊരു പ്രത്യേകത.

ചിത്രത്തിന് കടപ്പാട്: Vijayakumarblathur

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X