എന്തിനേയും അനുകരിക്കുക എന്നത് പണ്ടുമുതലെ മനുഷ്യന്റെ ഒരു ശീലമാണ്. പ്രശസ്തമയ എന്ത് നിര്മ്മിച്ചാലും അതിന്റെ ഒരു പകര്പ്പ് ഉണ്ടാക്കാന് ആളുകള് പണ്ട് മുതലെ ശ്രമിച്ചിരുന്നു. ലോകപ്രശസ്തമായ പല കെട്ടിടങ്ങള്ക്കും ഇത്തരം അനുകരണങ്ങളുണ്ട്. അവ പലതും വികല നിര്മ്മിതികളാണെന്ന കാര്യം വാസ്തവമാണ്.
ലോക പ്രശസ്തമായ താജ്മഹലിനും ഇത്തരത്തില് ഒരു അനുകരണം ഉണ്ട്. മഹരാഷ്ട്രയിലെ ഔറംഗബാദിലാണ് താജ്മഹലില് നിന്ന് പ്രചോദിതമായി നിര്മ്മിച്ച ബീബി ക മഖ്ബറ സ്ഥിതി ചെയ്യുന്നത്. ബിബി ക മഖ്ബറയെ കണ്ടവരാരും അതൊരു വികലമായ അനുകരണമാണെന്ന് പറയില്ലാ. താജ്മഹല് പോലെ തന്നെ ഒരു നിര്മ്മാണ വിസ്മയമാണ് ബിബിക മഖ്ബറയും.
ഇത് മിസ് ചെയ്യരുത് : താജ്മഹലിനെക്കുറിച്ച് പ്രചരിക്കുന്ന 10 കാര്യങ്ങള്
പാവങ്ങളുടെ താജ്മഹല്, മിനി താജ് എന്നിങ്ങനെ നിരവധി അപരനാമങ്ങളുള്ള ബീബി ക മഖ്ബറ ഒരു പ്രണയസ്മാരകമല്ലാ. ഒരു അമ്മയുടെ സ്നേഹത്തിന്റെ സ്മാരകമാണ്. 1651- 1661 കാലഘട്ടത്തില് അസാം ഷാ രാജകുമാരനാണ് ബീബി ക മഖ്ബറ നിര്മ്മിച്ചത്.
ഇത് മിസ് ചെയ്യരുത് : കാണാൻ ഭംഗിയുള്ള ശവകുടീരങ്ങൾ
യഥാര്ത്ഥ താജ്മഹല് നിര്മ്മിച്ച് 30 വര്ഷം പൂര്ത്തിയായപ്പോഴേക്കും മിനി താജ്മഹലിന്റേയും നിര്മ്മാണം പൂര്ത്തിയായി. താജ്മഹല് നിര്മ്മിക്കാന് 22 വര്ഷം എടുത്തെങ്കില് ബീബി ക മഖ്ബറ പത്തുവര്ഷത്തിനുള്ളില് പൂര്ത്തിയായി.