ശൗര്യത്തിന്റെ പ്രതീകമാണ് കടുവകള്, ശൗര്യമുള്ളവരെ നമ്മള് വിശേഷിപ്പിക്കാറുള്ളത് കടുവകള് എന്നാണ്. പക്ഷെ കടുവകളുടെ കണ്ണുകളിലേക്ക് ഒന്ന് സൂക്ഷിച്ച് നോക്കിക്കേ! ഒരു ഓമനത്തം തോന്നുന്നില്ലേ? പൂച്ചകളോട് തോന്നുന്ന ഓമനത്തം! എന്നാല് നമുക്ക് കടുവയെ ഇന്ത്യയുടെ ഓമന മൃഗം എന്ന് വിശേഷിപ്പിക്കാം അല്ലേ? ശരിക്കും യോജിക്കുന്ന വിശേഷണം!
ഏഷ്യന്വരകളില് കണ്ടുവരുന്ന പൂച്ച വര്ഗത്തില്പ്പെട്ട കടുവകളില് ഒന്പതോളം ഉപവര്ഗങ്ങള് ഉണ്ട്. ഇവയില് ബാലിയന് കടുവ, ജവാന് കടുവ എന്നീ വര്ഗങ്ങള്ക്ക് വംശ നാശം സംഭവിച്ചു കഴിഞ്ഞു. ഇന്ത്യ മാത്രമല്ല, ബംഗ്ലാദേശ്, മലേഷ്യ, നേപ്പാള്, കൊറിയ തുടങ്ങിയ രാജ്യങ്ങളൊക്കെ കടുവയേ ദേശീയ മൃഗമായി പ്രഖ്യാപിച്ചിട്ടുണ്ട്.
ഇന്ത്യയില് 53 കടുവ സംരക്ഷണ കേന്ദ്രങ്ങള് ഉണ്ടെന്നാണ് കണക്ക്. പ്രൊജക്ട് ടൈഗര് എന്ന പദ്ധതിയുടെ ഭാഗമായാണ് ഇന്ത്യയില് കടുവകളെ സംരക്ഷിച്ച് പോകുന്നത്. ഇതില് കുറച്ച് കടുവ സങ്കേതങ്ങളിലൂടെ നമുക്ക് ഒരു യാത്ര പോയാലോ? കടുവകളുടെ ഓമനത്തം നേരില്കാണാം!
പ്രൊജക്ട് ടൈഗറിന്റെ കീഴില് ആരംഭിച്ച ഇന്ത്യയിലെ ആദ്യത്തെ കടുവ സംരക്ഷണം കേന്ദ്രമാണ് ജിം കോര്ബേറ്റ് നാഷണല് പാര്ക്ക്. 1957ല് ആണ് കോര്ബറ്റ് ദേശിയ ഉദ്യാനം എന്ന് പേര് നല്കിയത്. മുന്പ് രാംഗംഗ ദേശീയ ഉദ്യാനം എന്നായിരുന്നു ഇതിന്റെ പേര്. ഉത്തരാഖണ്ഡിലാണ് ഈ സ്ഥലം സ്ഥിതി ചെയ്യുന്നത്. Photo Courtesy: Soumyajit Nandy
പ്രശസ്ത ബ്രട്ടീഷ് വേട്ടക്കാരനും പ്രകൃതി സ്നേഹിയും ഫോട്ടോഗ്രാഫറുമായ ജിം കോര്ബറ്റിന്റെ പേരാണ് ഈ ദേശീയ ഉദ്യാനത്തിന് നല്കിയിരിക്കുന്നത്. 'മാന് ഈറ്റേഴ്സ് ഓഫ് കുമൗണ്' എന്ന തന്റെ പ്രശസ്തമായ പുസ്തകത്തില് കുമൗണ് മേഖലയില് അദ്ദേഹം നടത്തിയ വേട്ടയാടലുകളെ കുറിച്ച് വിശദമായി പ്രതിപാദിച്ചിരിക്കുന്നു. നാനൂറോളം മനുഷ്യരെ കൊന്ന കടുവയെ വേട്ടയാടിയതിനെ കുറിച്ചും അദ്ദേഹം ഈ പുസ്തകത്തില് വിശദീകരിച്ചിട്ടുണ്ട്.
Photo Courtesy: Vyush Gupta
പരിചയ സമ്പന്നരായ ഗൈഡുകളുടെ ഒന്നച്ചുള്ള ജീപ്പ് സഫാരിയിലൂടെ, സഞ്ചാരികള്ക്ക് ഇവിടുത്തെ കടുവകളെ കാണാന് സാധിക്കും. ആനപ്പുറത്ത് ഏറി വനത്തിന്റെ വന്യത ആസ്വദിച്ചുള്ള യാത്രയും ആകാം. നിരവധി പക്ഷികളുടെയും മൃഗങ്ങളുടെയും ആവാസ കേന്ദ്രം കൂടിയാണ് ഈ പാര്ക്ക്.
Photo Courtesy: Suddhadas
റുഡ്യാര്ഡ് ക്ലിപ്പിംഗ്സിന് ജംഗിള് ബുക്ക് എഴുതാന് പ്രേരണയായ വന്യജീവി സങ്കേതമാണ് കഞ്ഞ വന്യജീവി സങ്കേതം. ഇന്ത്യയിലേ ദേശീയ ഉദ്യാനങ്ങളില് ഏറ്റവും സുന്ദരമായ സ്ഥലം എന്നുവേണമെങ്കില് കഞ്ഞ ദേശീയ ഉദ്യാനത്തെ വിശേഷിപ്പിക്കുന്നതില് തെറ്റില്ല. മധ്യപ്രദേശിന്റെ തെക്ക്ഭാഗത്താണ് ഈ വന്യജീവി സങ്കേതം സ്ഥിതി ചെയ്യുന്നത്. Photo Courtesy: Dey.sandip
ബംഗാള് കടുവകള്ക്ക് പേരുകേട്ട ഈ സ്ഥലത്ത് പുലി, കലമാന്, മയില്, കീരി തുടങ്ങിയ പക്ഷി മൃഗാധികളേയും കാണാം. ട്രെക്കിംഗും ജീപ്പ് സഫാരിയുമാണ് ഇവിടുത്തെ പ്രധാന ആക്റ്റിവിറ്റികള്. Photo Courtesy: Ashishmahaur
ഖജുരാഹോ കേട്ടിട്ടില്ലെ, കല്ലില് കാമസൂത്ര കൊത്തിവച്ച സ്ഥലം. മധ്യപ്രദേശിലെ ഈ സ്ഥലത്തിനടുത്തായി ഒരു കടുവാ സങ്കേതമുണ്ട്. പന്നാ കടുവാ സങ്കേതം. പേര് കേട്ടിട്ട് അത്ര പന്നയാണെന്ന് കരുതതരുത്. സുന്ദരമായ ഒരു സ്ഥലം തന്നെയാണ് ഇത്. ഖജുരാഹോയില് നിന്ന് 27 കിലോമീറ്റര് അകലെയായി ചാതര്പൂര് ജില്ലയിലെ പന്നയിലാണ് ഈ സങ്കേതം സ്ഥിതി ചെയ്യുന്നത്. Photo Courtesy: Ashishmahaur
രാജ്യത്തെ ഇരുപത്തിരണ്ടാമത്തെയും, മധ്യപ്രദേശിലെ അഞ്ചാമത്തെയും കടുവാസങ്കേതമാണിത്. മികച്ച രീതിയില് പരിപാലിക്കപ്പെടുന്നതിന്റെ പേരില് കേന്ദ്ര ടൂറിസം വകുപ്പില് നിന്ന് അവാര്ഡ് നേടിയ പാര്ക്കാണിത്. Photo Courtesy: Seemaleena
വിന്ധ്യാപര്വ്വത നിരകള്ക്ക് കുറുകെ ഏകദേശം നാനൂറ് ചതുരശ്ര കിലോമീറ്ററുകളിലായി വ്യാപിച്ച് കിടക്കുന്ന ഒരു ദേശീയ ഉദ്യാനമാണ് ബാന്ധവ്ഘര് ദേശീയ ഉദ്യാനം. മറ്റ് വന്യജീവി സങ്കേതങ്ങളില് നിന്ന് ഇതിനെ വേറിട്ട് നിര്ത്തുന്നത്, അതിന്റെ ഭൂപ്രകൃതിയാണ്. Photo Courtesy: Tom Thai
ചെങ്കുത്തായ മലഞ്ചെരുവുകള്, ഇടതൂര്ന്ന് നില്ക്കുന്ന വനം, പച്ചപ്പട്ട് വിരിച്ചപ്പോലെ നിവര്ന്ന് കിടക്കുന്ന പുല്തകിടികള് ഇവയൊക്കെ കാഴ്ചക്കാര്ക്ക് സുന്ദരമായ ഒരു അനുഭവമായിരിക്കും നല്കുക. Photo Courtesy: Swaroop Singha Roy
പാര്ക്കിന്റെ ചിലഭാഗങ്ങളില് സഞ്ചാരികള്ക്ക് തങ്ങാനുള്ള സൗകര്യവും ഒരുക്കിയിട്ടുണ്ട്. ഇവിടെയൊന്ന് തങ്ങി ഈ സ്ഥലത്തിന്റെ പ്രകൃതിഭംഗി ആസ്വദിക്കുകയുമാവാം. Photo Courtesy: Rudolph.A.furtado
മധ്യപ്രദേശിലെ പെഞ്ച് നദി രണ്ടായി പിരിഞ്ഞ് വടക്കോട്ടും തെക്കോട്ടുമായി ഒഴുകുന്നിടത്ത് ഒരു ദേശീയ ഉദ്യാനമുണ്ട്. പെഞ്ച് ദേശീയ ഉദ്യാനം. ഇന്ത്യയിലെ പത്തൊന്പതാമത്തെ കടുവാ സങ്കേതമായി ഈ ദേശീയ ഉദ്യാനത്തെ പ്രഖ്യാപിച്ച 1992ല് ആണ്. കടുവകള്ക്ക് പുറമേ നിരവധി പക്ഷിമൃഗാധികളെ ഇവിടെ കാണാനാകും. Photo Courtesy: Prithwiraj Dhang
മികച്ച ട്രാവല് ഡീലുകളും ടിപ്സുകളും യാത്രാ വിവരണങ്ങളും അറിയാം... Subscribe to Malayalam Nativeplanet