ബ്രഹ്മാണ്ഡ ടെലിവിഷന് സീരിസായ ഗെയിം ഓഫ് ത്രോണ്സിനെക്കുറിച്ച് കേള്ക്കാത്തവരായി ആരും കാണില്ല. നിലനില്ക്കുന്നുണ്ടോ എന്ന് വിശ്വസിക്കാന് കഴിത്ത സെറ്റുകളിലായി ഗെയിം ഓഫ് ത്രോണിന്റെ കഥ മുന്നേറുമ്പോള് അവിടെ ഒരിക്കലെങ്കിലും പോകണമെന്നാഗ്രഹിക്കാത്തവര് കാണില്ല.
വിദേശരാജ്യങ്ങള് കേന്ദ്രീകരിച്ച് ചിത്രീകരിച്ച ഇതിന്റെ സെറ്റിന് തുല്യമായ സ്ഥലങ്ങള് ഇന്ത്യയിലുണ്ടെന്ന് പറഞ്ഞാല് വിശ്വസിക്കുമോ?
ഗെയിം ഓഫ് ത്രോണ്സിന്റെ ലൊക്കേഷനാണോ എന്ന് സംശയിച്ചുപോകുന്ന ചില സ്ഥലങ്ങള് പരിചയപ്പെടാം...
ചൈനയോട് ചേര്ന്നു കിടക്കുന്ന സ്ഥലമായതിനാല് ഇവിടെ പ്രവേശിക്കാന് പ്രത്യേത അനുമതികള് ആവശ്യമാണ്. അരുണാചല് പ്രദേശ് സര്ക്കാരിന്റെ ഇന്നര് ലൈന് പെര്മിറ്റ് വാങ്ങിയതിനു ശേഷം മാത്രമേ ഇവിടെ പ്രവേശിക്കാന് സാധിക്കുകയുള്ളൂ.
മുഴുവന് മഞ്ഞു നിറഞ്ഞ സ്ഥലങ്ങള് കാണുവാന് താല്പര്യമുള്ളവരെ പെട്ടന്ന് ആകര്ഷിക്കുന്ന സ്ഥലമാണ് വിന്റര്ഫെല്. ഗെയിം ഓഫ് ത്രോണ്സിന്റെ ഏഴാം ഭാഗത്തില് ഇത് വ്യക്തമായി കാണിക്കുന്നുണ്ട്. വിന്റെര്ഫെല്ലിനോട് ചേര്ത്തുവയ്ക്കാന് പറ്റുന്ന ഇടമാണ് സ്പിതിയിലെ കീ മൊണാസ്ട്രി.
PC:Youtube
കീ മൊണാസ്ട്രി
കീ മൊണാസ്ട്രി അഥവാ കീ ബുദ്ധവിഹാരം സ്പിതി താഴ്വരയിലാണ് സ്ഥിതി ചെയ്യുന്നത്. സമുദ്രനിരപ്പില് നിന്നും 4166 മീറ്റര് ഉയരത്തില് സ്ഥിതി ചെയ്യുന്ന ഇവിടം ലാമമാരുടെ വിദ്യാഭ്യാസകേന്ദ്രമാണ്. മണാലിയില് നിന്നും 191 കിലോമീറ്റര് ദൂരമുണ്ട് ഇവിടേക്ക്.
ഗെയിം ഓഫ് ത്രോണ്സിലെ കടലിനു സമീപം സ്ഥിതി ചെയ്യുന്ന ഡ്രാഗണ് ഫോര്ട്ട് കടന്നുകയറാന് ഇത്തിരി ബുദ്ധിമുട്ടുള്ള സ്ഥലമാണ്. ഇതിനു സമാനമായ ഒരിടമാണ് മഹാരാഷ്ട്രയിലെ റായ്ഗഡ് ജില്ലയില് സ്ഥിതി ചെയ്യുന്ന മുരുഡ് ജാന്ജിര കോട്ട.
PC:Youtube
മുരുഡ് ജാന്ജിര കോട്ട
നൂറ്റാണ്ടുകള് പഴക്കമുള്ള ഒരു കടല്ക്കോട്ടയാണ് മുരുഡ് ജാന്ജിര കോട്ട. 22 ഏക്കറിലായി വ്യാപിച്ചു കിടക്കുന്ന ഈ കോട്ടയ്ക്ക് നിരവധി അക്രമങ്ങളെ എതിര്ത്തു തോല്പ്പിച്ച ചരിത്രമുണ്ട്. കടലിനുള്ളിലായി സ്ഥിതി ചെയ്യുന്ന ഈ കോട്ടയിലെ പ്രധാന ആകര്ഷണം ഇതിനുള്ളിലെ ശുദ്ധജലമുള്ള 2 കുളങ്ങളാണ്.