Click it and Unblock the Notifications
വടക്കാന്‍പാട്ടുകളിലൂടെ പ്രശസ്തമാണ് ലോകനാര്ക്കാവിലമ്മ. കോഴിക്കോട് ജില്ലയിലെ ലോകനാര്‍ ഭഗവതി ക്ഷേത്രത്തില്‍ ആണ് ലോകനാര്ക്കാവിലമ്മ കുടികൊള്ളുന്നത്. ദുര്‍‌ഗാ ദേവിയാണ് ഈ ക്ഷേത്രത്തിലെ പ്രതിഷ്ഠ.
വടകരയ്ക്കടുത്ത്
കോഴിക്കോട് ജില്ലയിലെ വടകരയിൽ നിന്ന് 4 കിലോമീറ്റർ അകലെയുള്ള മേമുണ്ടയിലാണ് ഈ ക്ഷേത്രം സ്ഥിതി ചെയ്യുന്നത്. ലോകമലയാർ കാവിന്റെ ചുരു‌ക്കരൂപമാണ് ലോകനാർക്കാവ്. മല, ആറ്, കാവ് എ‌ന്നിവ കൊണ്ട് നിർമ്മിച്ച ലോകം എന്നാണ് ഈ വാക്കിന്റെ അർത്ഥം.
Photo Courtesy: Arkarjun1
കുടുംബ ക്ഷേത്രം
ആര്യ ബ്രാഹ്മണർ എന്ന സമുദാ‌യക്കാരുടെ കുടുംബ ക്ഷേത്രമാണ് ഇതെന്നാണ് പറയപ്പെടുന്നത്. പ്രാചീന കാലത്ത് കേരളത്തിലേ‌ക്ക് കുടിയേറി പാർത്തവരാണ് ഇവർ. ആയിരത്തിൽ അധികം വർഷങ്ങളുടെ പഴക്കം ഈ ക്ഷേത്രത്തിനുണ്ടെന്നാണ് പറയപ്പെടുന്നത്.
തച്ചോളി ഒതേനൻ
വടക്കൻ പാട്ടുകളിലെ വീരനായകനായ തച്ചോളി ഒതേനനുമായി ബ‌ന്ധമു‌ള്ള ക്ഷേത്രമാണ് ഈ ക്ഷേത്രം. എല്ലാ ദിവസവും ഒതേനൻ കാവിലമ്മാ എന്ന് വിളിക്കുന്ന ദുർഗയെ തൊഴാറുണ്ടായിരുന്നു. കളരിപയ‌റ്റിന്റെ അരങ്ങേറ്റ സമയത്ത് ആളുകൾ ഇവിടെ എത്തി തൊഴുന്നത് പതി‌വാണ്.
Photo Courtesy: Arkarjun1
തച്ചോളിക്കളി
ലോകനാര്‍ക്കാവ് ക്ഷേത്രത്തിലെ ഒരു കലാരൂപമാ‌ണ് തച്ചോളിക്കളി. കളരിപ്പയറ്റുമായി സാമ്യമുള്ള ഈ കലാരൂപം തീയ്യമ്പാടി കുറുപ്പുകളാണ് അവതരിപ്പിക്കുന്നത്. ലോകനാര്‍കാവിലെ ഉത്സവ സമയത്താണ് തച്ചോളിക്കളി അവതരിപ്പിക്കാറുള്ള‌ത്.
Photo Courtesy: Prof tpms
ലോകനാർക്കാവിൽ എത്തിച്ചേരാൻ
87 കിലോമീറ്റർ അകലെയുള്ള കരിപ്പൂർ വിമാനത്താവളമാണ് അടുത്തുള്ള വിമാനത്താവ‌ളം. 4 കിലോമീറ്റർ അകലെയുള്ള വടകരയാണ് അടുത്തുള്ള റെയിൽവെ സ്റ്റേഷൻ. വടകരയിൽ നിന്ന് മേമുണ്ടയിലേക്ക് ബസുകൾ ലഭിക്കും.
പൂരം
മീന മാസത്തിൽ നടക്കപ്പെടാറുള്ള ലോകനാർ പൂരം പ്രശസ്തമാണ്. ഈ പൂരത്തിന് പങ്കെടുക്കാൻ നി‌രവധി ആളുകൾ ലോകനാർക്കാവിൽ എത്താറുണ്ട്. വൃശ്ചിമ മാസത്തിലെ മ‌ണ്ഡല വിളക്കാണ് ഇവിടുത്തെ മ‌റ്റൊരു ആഘോഷം. 41 ദിവസം നീണ്ട് നിൽക്കുന്നതാണ് ഇത്. ഈ ദിവസങ്ങളിൽ ആണ് ഇവിടെ കളരിപ്പയറ്റിനോട് സാമ്യമുള്ള തച്ചോളി കളി അരങ്ങേറാറുള്ളത്. കോൽക്കളി പോലെ തന്നെയാണ് ഈ കളിയും.
