വെ‌ള്ളിത്തിരയിലെ വെള്ളച്ചാട്ടങ്ങൾ!
കണ്ടെത്തു
 
കണ്ടെത്തു
 

ചിരഞ്ജീവികള്‍ ഉണ്ടോ എന്ന് ചോദിക്കാന്‍ വരട്ടെ... ഇതാ ചിരഞ്ജീവികള്‍ വസിക്കും അത്ഭുത കാട്

Written by: Elizabath
Updated: Saturday, June 17, 2017, 15:59 [IST]
Share this on your social network:
   Facebook Twitter Google+ Pin it  Comments

കാടുകള്‍ കഥപറഞ്ഞാല്‍ എങ്ങനെയുണ്ടാകും. നിഗൂഢതകള്‍ ഒളിപ്പിക്കാത്ത കാടുകള്‍ ഇല്ലയെന്നുതന്നെ പറയാം. അത്തരത്തില്‍ വിശ്വസിക്കാന്‍ ബുദ്ധുമുട്ടുള്ള, എന്നാല്‍ വിശ്വസിക്കാതിരിക്കാന്‍ പറ്റാത്ത കഥകള്‍ നിറഞ്ഞ ഒരിടം.
ഹിന്ദു പുരാണത്തിലെ ദ്രോണാചാര്യരുടെ മകനായ അശ്വത്ഥാമാവ് ചിരഞ്ജീവിയായി വസിക്കുന്ന, അപൂര്‍വ്വമായ ഉറുമ്പുകളും ചിലന്തികളും അധിവസിക്കുന്ന ഒരു കാട്. ഇവിടുത്തെ രഹസ്യങ്ങള്‍ ഷൂട്ട് ചെയ്യാനെത്തിയവര്‍ പിന്നീട് പുറംലോകം കണ്ടിട്ടില്ലെന്നു പറയുമ്പോള്‍ ഒരു ഭയം തോന്നുന്നില്ലേ..
ആന്ധ്രാപ്രദേശിലെ നല്ലമല കാടുകളുടെ നിഗൂഢതകളിലേക്ക്...

17-ാം നൂറ്റാണ്ടിലെ ചിലന്തി

ഈ അടുത്ത കാലത്ത് ശാസ്ത്രജ്ഞര്‍ ഇവിടെനിന്നും അപൂര്‍വ്വമായ ഒരു ചിലന്തിയെ കണ്ടെത്തിയിരുന്നു. 17-ാം നൂറ്റാണ്ടില്‍ വംശനാശം സംഭവിച്ചുവെന്നു കരുതിയിരുന്ന പീകോക്ക് സ്‌പൈഡര്‍ എന്ന വിഷച്ചിലന്തിയെയാണ് കണ്ടെത്തിയത്.

pc: KDS444

സുവോളജിക്കല്‍ പാര്‍ക്ക്

നല്ലമല കാടുകള്‍ക്കുള്ളിലെ ജൈവവൈവിധ്യത്തെ പൂര്‍ണ്ണമായും ഉപയോഗപ്പെടുത്താനുള്ള ശ്രമത്തിന്‍രെ ഭാഗമായി ഇവിടെയൊരു സുവോളജിക്കല്‍ പാര്‍ക്ക് പദ്ധതിയുണ്ട്. ആന്ധ്രാപ്രദേശ് സര്‍ക്കാരിന്റെ ഈ പദ്ധതി യാഥാര്‍ഥ്യമായാല്‍ ടൂറിസം
 രംഗത്ത് വന്‍ കുതിച്ചുചാട്ടമുണ്ടാകും.

ഇരുപതിനായിരം അടി കട്ടിയുള്ള ശിലകള്‍

ഏകദേശം 20,000 അടി വരെ കനമുള്ള ശിലാശ്രേണിയായ കുഡപ്പ ശിലാവ്യൂഹത്തിന്റെ ഭാഗമാണ് നല്ലമലയിലെ പാറകള്‍,
ഇവിടെയുള്ള പാറകളില്‍ ഭൂരുഭാഗവും ക്വാര്‍ട്ട്‌സൈറ്റുകളാണ. ലോകത്തിലെ തന്നെ പ്രായം ചെന്ന ശിലകളായ ഇവ കോടിക്കണക്കിനു വര്‍ഷങ്ങള്‍ക്ക് മുന്‍പുനടന്ന അഗ്‌നിപര്‍വ്വത സ്‌ഫോടനം വഴിയാണ് രൂപപ്പെട്ടത്.

എവിടെയാണീ അത്ഭുതമല

ആന്ധ്രാപ്രദേശിലെ കുര്‍ണൂല്‍, പ്രകാശം, കഡപ്പ ജില്ലകളില്‍ വ്യാപിച്ചുകിടക്കുന്ന പൂര്‍വ്വഘട്ടത്തിന്റെ ഭാഗമാണ് നല്ലമല. ബംഗാള്‍ ഉള്‍ക്കടല്‍ തീരത്തിന് സമാന്തരമായ രീതിയിലാണ് ഇത് സ്ഥിതിചെയ്യുന്നത്. ഇതിന്റെ ഒരറ്റം അവസാനിക്കുന്നത് പലനാട് പീഠഭൂമിയിലും മറുവശം തിരുപ്പതി കുന്നുകളിലും അവസാനിക്കുന്നു.

എത്തിച്ചേരാന്‍

കൊച്ചിയില്‍ നിന്നും ആയിരത്തോളം കിലോമീറ്റര്‍ യാത്രയുണ്ട് നല്ലമല ഫോറസ്റ്റില്‍ എത്തിച്ചേരാന്‍. പോകുന്നവര്‍ ആവശ്യമായ സുരക്ഷാക്രമീകരണങ്ങള്‍ ഒരുക്കിയതിനു ശേഷം വേണം പോകാന്‍.

Read more about: temple
English summary

Nallamala Forest the mysterious forest in Andra Pradesh

Nallama forest is one of the mysterious forest in Andrapradesh.It is a place for many unexplored things.It's a place for many undiscovered species of animals, reptiles, insects etc about which science does not know much.
Please Wait while comments are loading...