ലഡാക്കിലെ ലേയിൽ നിന്ന് ഏകദേശം 125 കിലോമീറ്റർ പടിഞ്ഞാറ് മാറി, സുന്ദരമായ റോഡരികിലായി സ്ഥിതി ചെയ്യുന്ന ഒരു ബുദ്ധ വിഹാരമുണ്ട്. ലഡാക്കിലെ പ്രാചീന ബുദ്ധ വിഹാരങ്ങളിൽ ഇപ്പോഴും അവശേഷിക്കുന്ന അപൂർവം ബുദ്ധ വിഹാരങ്ങളിൽ ഒന്നായ ഈ ബുദ്ധവിഹാരം യങ്-ഡ്രങ്, സ്വാസ്തിക എന്നീ പേരുകളിലാണ് അറിയപ്പെടുന്നത്.
പതിനൊന്നാം നൂറ്റാണ്ടിൽ കല്ലും മണലും ഉപയോഗിച്ച് നിർമ്മിക്കപ്പെട്ട ഈ ബുദ്ധ വിഹാരത്തിന് നിരവധി ചരിത്ര കഥകൾ പറയാനുണ്ട്. ഇവിടെ നിന്നാണ് ഷാം ട്രെക്ക് ആരംഭിക്കുന്നത്.
ലഡാക്കിൽ ഏറ്റവും എളുപ്പത്തിൽ ചെയ്യാവുന്ന ട്രെക്കുകളിൽ ഒന്നാണ് ഷാം ട്രെക്ക്. ഇൻഡസ് നദിക്ക് വടക്കായിട്ടുള്ള ഷാം മേഖലയിലെ ഗ്രാമങ്ങളിലൂടെയാണ് ഈ ട്രെക്ക്. ലേയ്ക്ക് പടിഞ്ഞാറായിട്ടാണ് ഈ സ്ഥലം. Photo Courtesy: Elroy Serrao
ലേയിൽ നിന്ന് ഒന്നരമണിക്കൂർ യാത്ര ചെയ്താൽ എത്തിച്ചേരുന്ന ലികിറിൽ നിന്നാണ് ഈ ട്രെക്ക് ആരംഭിക്കുന്നത്. തുടക്കക്കാർക്ക് ട്രെക്ക് ചെയ്യാൻ പറ്റിയ ട്രെയിൽ ആണ് ഇത്. അതിന് നിരവധി കാരണങ്ങളുണ്ട്. Photo Courtesy: Elroy Serrao
മറ്റു ട്രെക്കിംഗ് സ്ഥലങ്ങളുമായി താരതമ്യപ്പെടുത്തുമ്പോൾ വളരെ താഴ്ന്ന പ്രദേശമാണ് ഷാം മേഖല. സമുദ്ര നിരപ്പിൽ നിന്ന് 4000 മീറ്റർ ഉയരത്തിലായാണ് ഇതിന്റെ കിടപ്പ്. Photo Courtesy: Steve Hicks
ട്രെക്കിംഗിനിടെ സഞ്ചാരികൾക്ക് താമസിക്കാൻ, ഗ്രാമങ്ങളിൽ നിരവധി ഹോംസ്റ്റേകളുണ്ട്. ചുരങ്ങളുടെ ദൈർഘ്യവും അത്ര അധികമായില്ല എന്നതും ഇവിടുത്തെ ട്രെക്കിംഗ് എളുപ്പമാക്കുന്നുണ്ട്. Photo Courtesy: Philip Larson
ഗൈഡുകളുടേയും പോർട്ടർമാരുടേയും സഹായമില്ലാതെ ട്രെക്ക് ചെയ്യാൻ കഴിയുന്ന ലഡാക്കിലെ അപൂർവം ട്രെക്കിംഗ് പാതകളിൽ ഒന്നാണ് ഇത്. Photo Courtesy: Philip Larson
ബേബി ട്രെക്ക് എന്ന ഒരു വിളിപ്പേര് ഈ ട്രെക്കിനുണ്ടെങ്കിലും, വളരെ എളുപ്പമുള്ള ട്രെക്കിംഗ് ആണ് ഇതെന്ന് ആരും കരുതരുത്. ട്രെക്കിംഗിടെ കുന്നുകളൊക്കെ കയറേണ്ടി വരും. Photo Courtesy: Karthik Kannan
ലികിർ - യങ്താങ് - ഹെമിസ് ഷുക്പചെൻ - അങ് - ടെമിസ്ഗം - നുർള Photo Courtesy: Amit kapil
പരുക്കനും മാറിക്കൊണ്ടിരിക്കുന്നതുമായ ഭൂപ്രകൃതി. ഒരു സ്ഥലത്ത് നിന്ന് മറ്റൊരു സ്ഥലത്ത് എത്തിച്ചേരുമ്പോൾ വ്യത്യസ്തമായ ഭൂപ്രകൃതിയാണ് സഞ്ചരികളെ സ്വാഗതം ചെയ്യുന്നത്. ലികിർ റിഡ്സോങ് എന്നിവിടങ്ങളിലെ ബുദ്ധ വിഹാരങ്ങളും സുന്ദരമായ ഗ്രാമങ്ങളും സഞ്ചാരികളെ ഈ ട്രെക്കിൽ ആകർഷിപ്പിക്കും. Photo Courtesy: Ranzen
മെയ് അവസാനം മുതൽ സെപ്തംബർ വരേയാണ് ഇവിടം സന്ദർശിക്കാൻ ഏറ്റവും അനുയോജ്യം. Photo Courtesy: Aviad2001
മികച്ച ട്രാവല് ഡീലുകളും ടിപ്സുകളും യാത്രാ വിവരണങ്ങളും അറിയാം... Subscribe to Malayalam Nativeplanet