വിന്ധ്യ - സത്പുര പര്വ്വത നിരകളില് സ്ഥിതി ചെയ്യുന്ന പച്മറി എന്ന സുന്ദരമായ ഹില്സ്റ്റേഷനാണ് മധ്യപ്രദേശിന് സ്വന്തമായിട്ടുള്ള ഏക ഹില്സ്റ്റേഷന്. അതിനാല് വേനല്ക്കാലത്ത് ചൂട് കൂടുമ്പോള് ഇന്ഡോറിലും ഭോപ്പാലിലും മറ്റുമുള്ള ആളുകള് ഇവിടേയ്ക്ക് യാത്ര തിരിക്കും.
സമുദ്ര നിരപ്പില് നിന്ന് 1110 മീറ്റര് ഉയരത്തില് സ്ഥിതി ചെയ്യുന്ന പച്മറി അറിയപ്പെടുന്ന സത്പുരയുടെ റാണി എന്നാണ്. വര്ഷം മുഴുവന് നല്ല കാലവസ്ഥയാണ് ഇവിടെ.
എത്തിച്ചേരാന്
ഭോപാല് വിമാനത്താവളമാണ് പച്മറിയ്ക്ക് ഏറ്റവും സമീപത്തുള്ള വിമാനത്താവളം. പച്മറിയില് നിന്ന് 195 കിലോമീറ്റര് അകലെയായാണ് ഭോപാല് വിമാനത്താവളം സ്ഥിതി ചെയ്യുന്നത്.
അന്പത് കിലോമീറ്റര് അകലെ സ്ഥിതി ചെയ്യുന്ന പിപരിയ (Pipariya) ആണ് പച്മറിക്ക് സമീപത്തുള്ള റെയില്വെ സ്റ്റേഷന്. പിപരിയയില് നിന്ന് 24 മണിക്കൂറും പച്മറിയിലേക്ക് ടാക്സികള് ലഭ്യമാണ്. 600 മുതല് 700 രൂപയാണ് ടാക്സികളുടെ വാടക.
ഭോപാല്, നാഗ്പൂര്, ജബാല്പൂര് എന്നീ നഗരങ്ങളില് നിന്ന് ബസ് സര്വീസുകളും ലഭ്യമാണ്.
താമസിക്കാന്
പച്മറിയില് താമസിക്കാന് നിരവധി ഹോട്ടലുകള് ഉണ്ട്. മെയ് - ജൂണ് മാസങ്ങളിലാണ് പച്മറിയിലേക്ക് സന്ദര്ശനം നടത്തുന്നതെങ്കില് മുന്കൂട്ടി ഹോട്ടലുകള് ബുക്ക് ചെയ്യാം. ഹോട്ടലുകളുടെ നിരക്കുകള് പരിശോധിക്കാം
പച്മറിയിലെ ടൂറിസ്റ്റ് കേന്ദ്രങ്ങള് പരിചയപ്പെടാം
പച്മറി ചിത്രങ്ങളിലൂടെ