ഇന്ത്യക്കാര്ക്ക് പട്ടം പറത്തല് ഒരു ആഘോഷമാണ്, അത് ഇന്ത്യയുടെ സാംസ്കാരിക പാരമ്പര്യത്തിന്റെ ഭാഗം കൂടിയാണ്. ഇന്ത്യയിലെ ഗുജറാത്ത്, രാജസ്ഥാന് എന്നീ സംസ്ഥാനങ്ങളിലാണ് പട്ടം പറത്തല് ഒരു മഹോത്സവമായി കൊണ്ടാടാറുള്ളത്. രാജസ്ഥാനിലെ ജയ്പ്പൂരിലും ഗുജറത്തിലെ അഹമ്മദബാദിലും എല്ലാവര്ഷവും ജനുവരി മാസത്തില് അന്തര്ദേശീയ പട്ടംപറത്തല് മഹോത്സവം നടക്കാറുണ്ട്. ഇത് കൂടാതെ ഇന്ത്യയിലെ പല പ്രമുഖ നഗരങ്ങളിലും പട്ടം പറത്തല് ഒരു ആഘോഷമായി കൊണ്ടാടാറുണ്ട്.
അഹമ്മദാബാദിലെ ഹോട്ടലുകളിലെ തകര്പ്പന് ഡീലുകള് കാണാം
മകരസക്രാന്തി
എല്ലാ വര്ഷവും മകരസക്രാന്തി നാളിനോടനുബന്ധിച്ചാണ് പട്ടം പറത്തല് ഉത്സവം നടക്കാറുള്ളത്. രാജസ്ഥാന്, ഗുജറാത്ത് എന്നീ സംസ്ഥാനങ്ങളില് ഉത്തരായനം എന്നാണ് ഈ ദിവസം അറിയപ്പെടുന്നത്. എല്ലാവര്ഷവും ജനുവരി പതിനാലിനാണ് ഈ ഉത്സവം നടക്കുന്നത്.
ഇന്റര്നാഷണല് കൈറ്റ് ഫെസ്റ്റിവല്
ഗുജറാത്തിലെ അഹമ്മദബാദിലാണ് എല്ലാവര്ഷവും മകരസക്രാന്തിയോടനുബന്ധിച്ച് ഇന്റര് നാഷണല് കൈറ്റ് ഫെസ്റ്റിവല് നടക്കാറുള്ളത്. ഇതിന് മുന്നോടിയായി ഗുജറാത്തിലെ ഭവനങ്ങളില് ഒരു മാസം മുന്പെ പട്ടം നിര്മ്മാണം ആരംഭിക്കും. 2012ല് നടന്ന ആഘോഷത്തില് 42 രാജ്യങ്ങളില് നിന്നുള്ള ആളുകളാണ് പങ്കെടുത്തത്.
പട്ടങ്ങളുടെ തലസ്ഥാനം
മകരസക്രാന്തിയോടനുബന്ധിച്ച് വമ്പിച്ച പട്ടം വില്പ്പന നടക്കുന്നതിനാല് പട്ടങ്ങളുടെ തലസ്ഥാനമെന്നാണ് ഗുജറാത്തിലെ അഹമ്മദബാദ് അറിയപ്പെടുന്നത്. ഈ കാലയളവില് ആയിരക്കണക്കിന് പട്ടങ്ങളാണ് ദിവസേന ഓരോ കടകളിലും വില്പ്പന നടക്കപ്പെടുന്നത്. പട്ടങ്ങള് വില്ക്കാനും വാങ്ങാനുമായുള്ള ഒരു മാര്ക്കറ്റ് തന്നെയുണ്ട് അഹമ്മദാബാദില് പട്ടാംഗ് ബസാര് എന്നാണ് ഇത് അറിയപ്പെടുന്നത്.
ഇന്ത്യയിലെ പല ഭാഗത്തായി നടക്കാറുള്ള കൈറ്റ് ഫെസ്റ്റിവലുകളുടെ ചിത്രങ്ങള് കാണാം