കണ്ണാളനെ എന്ന പാട്ട് കേൾക്കുമ്പോൾ ചിത്രയുടെ സ്വരമാധുരിക്കൊപ്പം സ്ക്രീനിൽ നിറയുന്ന പ്രണയപ്രതീക്ഷയുടെ ചിത്രീകരണത്തിന് പശ്ചാത്തലമായ ആ കൊട്ടാരം ആരെങ്കിലും ഓർമ്മിക്കുന്നുണ്ടോ. മണിരത്നത്തിന്റെ നിർദ്ദേശത്തിൽ രാജീവ് മേനോൻ ഒപ്പിയെടുത്തെ ഫ്രെയിമുകൾക്കുള്ളിൽ നിറഞ്ഞ് നിൽക്കുന്ന സുന്ദരമായ ആ കൊട്ടാരം ഓർമ്മിക്കാതിരിക്കാൻ അർക്കും കഴിയില്ല.
ഈ കൊട്ടാരം എവിടെയാണെന്ന് അന്വേക്ഷിച്ച് അധികം ദൂരമൊന്നും പോകണ്ട. തമിഴ്നാട്ടിലെ മധുരൈ വരെ യാത്ര ചെയ്താൽ ഈ കൊട്ടാരം കാണാം. മധുരയിലെ തിരുമലൈ നായക് പാലസ് ആണ് ബോംബെ എന്ന സിനിമയിൽ കണ്ണാളനെ എന്ന ഗാനം ചിത്രീകരിക്കാൻ പശ്ചാത്തലമാക്കിയ സ്ഥലം. തിരുമലൈ നായക് പാലസിനേക്കുറിച്ച് രസകരമായ കാര്യങ്ങൾ ഇനിയും ഏറെയുണ്ട്.
പതിനേഴാം നൂറ്റാണ്ടിൽ 1636 എ ഡിയിൽ തിരുമലൈ നായക് രാജാവാണ് ഈ കൊട്ടാരം നിർമ്മിച്ചത്. മധുരൈ നായക രാജവംശത്തിലെ രാജവായ തിരുമലൈ നായകിന്റെ ഭരണകാലം 1623 മുതൽ 1659 വരെയായിരുന്നു. Photo Courtesy: எஸ்ஸார்
രാജസ്ഥാനിലെ കൊട്ടാരങ്ങളുടെ ശൈലിയായ രജപുത് ശൈലിയും ദ്രാവിഡിയൻ ശൈലിയുമായി സങ്കലിപ്പിച്ചാണ് ഈ കൊട്ടാരം നിർമ്മിച്ചിരിക്കുന്നത്. Photo Courtesy: Suresh, Madurai
ഇപ്പോൾ കാണുന്ന കൊട്ടാരം രാജാവ് വസിച്ചിരുന്ന പ്രധാന കൊട്ടാരമാണ്. ഇപ്പോൾ കാണുന്ന കൊട്ടാരത്തേക്കാൾ നാലിരട്ടിൽ വലുപ്പത്തിലായിരുന്നു കൊട്ടാരം സമുച്ഛയം ഉണ്ടായിരുന്നത്. Photo Courtesy: Avionsuresh
സൗത്ത് ഇന്ത്യയിലെ അത്ഭുതങ്ങളിൽ ഒന്നായിരുന്ന ഈ കൊട്ടാരം, പ്രശസ്തമായ മധുര മീനാക്ഷി ക്ഷേത്രത്തിൽ നിന്ന് രണ്ട് കിലോമീറ്റർ അകലെയായിട്ടാണ് സ്ഥിതി ചെയ്യുന്നത്. Photo Courtesy: எஸ்ஸார்
ഇറ്റാലിയൻ വാസ്തു ശിൽപ്പിയുടെ സഹായത്തോടെയാണ് ഈ കൊട്ടാരം നിർമ്മിക്കപ്പെട്ടതെന്നാണ് പറയപ്പെടുന്നത്. കഴിഞ്ഞ 400 വർഷത്തിനിടെ കൊട്ടാരത്തിന് പല നാശങ്ങളും ഉണ്ടാകുകയായിരുന്നു. യുദ്ധങ്ങൾ കൊണ്ടുണ്ടായ കേടുപാടുകളും ഇതിൽപ്പെടും. Photo Courtesy: Suresh, Madurai
ഈ കൊട്ടാരത്തിന് കൂടുതൽ കേടുപാടുകൾ ഉണ്ടാകാൻ കാരണം അദ്ദേഹത്തിന്റെ കൊച്ചുമകനാണ്. തിരുച്ചിറപ്പള്ളിയിൽ സ്വന്തമായി ഒരു കൊട്ടാരം നിർമ്മിക്കാൻ പുറപ്പെട്ട കൊച്ചുമകൻ ഈ കൊട്ടാരം തകർത്ത് കൊട്ടാരത്തിലെ വസ്തുക്കൾ പുതിയ കൊട്ടാരത്തിലേക്ക് മാറ്റുകയായിരുന്നു. Photo Courtesy: Avionsuresh
പത്തൊൻപതാം നൂറ്റാണ്ടിൽ അന്നത്തെ മദ്രാസ് ഗവർണർ ആയിരുന്ന നേപ്പ്യർ പ്രഭു ഇടപെട്ടാണ് കൊട്ടാരം ഇന്നത്തെ അവസ്ഥയിൽ സംരക്ഷിക്കാൻ ആരംഭിച്ചത്. Photo Courtesy: Vaidheeswaran
കൊട്ടാരത്തിലേക്കുള്ള കവാടം കയറിയാൽ ഏകദേശം 41,979 ചതുരശ്ര അടി വിസ്തൃതിയുള്ള നടുമുറ്റത്തേക്കാണ് നമ്മൾ എത്തിച്ചേരുന്നത്. നടുമുറ്റത്തിന് ചുറ്റുമായി വൃത്താകൃതിയിലുള്ള വലിയ തൂണുകൾ കാണാം. നടുക്കായി വൃത്താകൃതിയിൽ ഒരു പൂന്തോട്ടം ഇപ്പോൾ നിർമ്മിച്ചിട്ടുണ്ട്. Photo Courtesy: Vinay Datta
ഈ കൊട്ടാരത്തിന് രണ്ട് പ്രധാന ഭാഗങ്ങളാണുള്ളത്. സ്വർഗ വിലാസം എന്നും രംഗ വിലാസം എന്നുമാണ് ഈ ഭാഗങ്ങൾ അറിയപ്പെടുന്നത്. Photo Courtesy: Jomesh at Malayalam Wikipedia
നടുമുറ്റവും നൃത്തമണ്ഡപവുമാണ് ഈ കൊട്ടാരത്തിന്റെ പ്രധാന ആകർഷണം. Photo Courtesy: Karthik Easvur
തമിഴ്നാട് പുരാവസ്തു വകുപ്പിന്റെ കീഴിലുള്ള ഈ കൊട്ടാരത്തിൽ രാവിലെ 9 മണിമുതൽ വൈകുന്നേരം 5 മണിവരെ സഞ്ചാരികൾക്ക് സന്ദർശിക്കാം. സഞ്ചാരികൾക്ക് പ്രവേശന ഫീസും ഉണ്ട്. Photo Courtesy: Avionsuresh
വൈകുന്നേരങ്ങളിൽ തമിഴിലും ഇംഗ്ലീഷിലും ചിലപ്പധികാര കഥയെ ആധാരമാക്കി ലൈറ്റ് ആന്റ് ഷോ നടക്കാറുണ്ട്. Photo Courtesy: Ve.Balamurali
മധുര നഗരത്തിന്റെ കിഴക്ക് ഭാഗത്തായി, പ്രശസ്തമായ മധുര മീനാക്ഷി ക്ഷേത്രത്തിന് തെക്ക് കിഴക്കായി ഏകദേശം ഒന്നര കിലോമീറ്റർ അകലെയായാണ് ഈ കൊട്ടാരം സ്ഥിതി ചെയ്യുന്നത്. Photo Courtesy: Karthik Easvur
എല്ലാ ദിവസവും രാവിലെ 9 മണിമുതൽ വൈകുന്നേരം 5 മണിവരെയാണ് സന്ദർശന സമയം. 1 മണി മുതൽ 1.30 വരെയാണ് ലഞ്ച് ബ്രേക്ക്. വൈകുന്നേരം 6.45 മുതൽ 7.30 വരെ ഇംഗ്ലീഷിലും. രാത്രി 8 മണി മുതൽ 8.50 വരെ ഇംഗ്ലീഷിലും ആണ് ലൈറ്റ് ആന്റ് ഷോ നടക്കുന്നത്. Photo Courtesy: Karthik Easvur
കൊട്ടാരത്തിലേക്കുള്ള പ്രവേശന കവാടം.
Photo Courtesy: Thriyambak J. Kannan
കൊട്ടാരത്തിന് മുന്നിലായി സ്ഥാപിച്ച തിരുമല നായകിന്റെ പ്രതിമ
Photo Courtesy: Thamizhpparithi Maari
ഭാര്യമാരോടൊപ്പം നിൽക്കുന്ന തിരുമലൈ നായകിന്റെ പ്രതിമ Photo Courtesy: Suresh
മികച്ച ട്രാവല് ഡീലുകളും ടിപ്സുകളും യാത്രാ വിവരണങ്ങളും അറിയാം... Subscribe to Malayalam Nativeplanet