ഉദയ്പൂര് നഗരത്തില് നിന്ന് 23 കിലോമീറ്റര് അകലെയുള്ള ഈ നഗരം എ.ഡി ആറാം നൂറ്റാണ്ടില് നാലാമത്തെ മേവാര് രാജാവായ നാഗാദിത്യയാണ് നിര്മിച്ചത്. ബഗേല തടാകത്തിന്െറ തീരത്തുള്ള ഈ നഗരമായിരുന്നു അന്ന് മേവാര് രാജ്യത്തിന്െറ തലസ്ഥാനം. ആദ്യ കാലത്ത് നാഗഹരിത എന്ന് അറിയപ്പെട്ടിരുന്ന ഈ നഗരത്തിന്െറ പ്രധാന ആകര്ഷണം ചെറുതും വലുതുമായ ക്ഷേത്രങ്ങളാണ്. സാസ്ബഹു ക്ഷേത്രത്തിനൊപ്പം ജൈന സന്യാസിയായ ശാന്തിനാഥ് നിര്മിച്ചതെന്ന് കരുതുന്ന ജൈനക്ഷേത്രവും സഞ്ചാരികളെ ആകര്ഷിക്കുന്നതാണ്. റാണാ കുംഭയുടെ ഭരണകാലത്ത് നിര്മിച്ചതെന്ന് കരുതുന്ന ഈ ക്ഷേത്രത്തിന്െറ പ്രധാന ആകര്ഷണം ഒമ്പതടി ഉയരമുള്ള വിഗ്രഹമാണ്.