ഉദയ്പൂരിലെ മറ്റൊരു ഗംഭീര കൊട്ടാരമാണ് സജ്ജന്ഗര് അല്ളെങ്കില് മണ്സൂണ് പാലസ്. ആരവല്ലി പര്വതനിരകളിലെ ബന്ദസാര പര്വതത്തില് സമുദ്രനിരപ്പില് നിന്ന് 944 അടി ഉയരത്തില് സ്ഥിതി ചെയ്യുന്ന ഈ രമ്യഹര്മ്യം മേവാര് രാജവംശത്തിലെ മഹാറാണാ സജ്ജന്സിംഗ് 1884ല് മഴമേഘങ്ങളെ കാണാനാണ് നിര്മിച്ചത്.
വെള്ളക്കല്ലില് തീര്ത്ത ഈ കൊട്ടാരത്തില് നിന്ന് നോക്കിയാല് തിളങ്ങുന്ന പിച്ചോള തടാകത്തിന്െറ വിദൂര ദൃശ്യവും കാണാം. ഉദയ്പൂര് നഗരത്തിന്െറ മനോറര ദൃശ്യവും സഞ്ചാരികളുടെ കണ്ണിന് അഴകായിരിക്കും. ഒമ്പത് നിലകളുള്ള ഈ കൊട്ടരത്തിന്െറ നിര്മാണം പാതിവഴിയിലിരിക്കെ മഹാരാജാ സജ്ജന്സിംഗ് മരണപ്പെട്ടു. പിന്നീട് രാജാവായ മഹാറാണാ ഫത്തേഹ്സിംഗാണ് കൊട്ടാരം നിര്മാണം പൂര്ത്തീകരിച്ചത്.