വെല്ലൂരിലെ മനോഹരമായ അണക്കെട്ടുകളിലൊന്നാണ് മോര്‍ദാന ഡാം. വെല്ലൂരില്‍ നിന്നും 31 കിലോമീറ്റര്‍ ദൂരത്തുള്ള ഗുഡിയാത്തം എന്ന ടൗണിനടുത്താണ് ഈ അണക്കെട്ട്. 220 മീറ്റര്‍ നീളവും 33 മീറ്റര്‍ ഉയരവുമുണ്ട് ഈ അണക്കെട്ടിന്. 2000ത്തിലാണ് ഈ അണക്കെട്ടിന്റെ പണി പൂര്‍ത്തിയായത്. മനോഹരമായ പ്രകൃതിക്കാഴ്ചകള്‍ തരുന്ന സ്ഥലമാണിത്. കൗണ്ടിന്യ വന്യജീവി സങ്കേതം ഈ ഡാമിന് സമീപത്തായി സ്ഥിതിചെയ്യുന്നു. കനിപാക്കം, വാടാപ്പള്ളിയിലെ വെങ്കിടേശ്വര ക്ഷേത്രം തുടങ്ങിയവയാണ് ഇവിടത്തെ മറ്റു കാഴ്ചകള്‍.