ഇന്ദ്രകീലാദ്രി കുന്നിന്മുകളിലാണ് ഈ ക്ഷേത്രം സ്ഥിതിചെയ്യുന്നത്. വിജയവാഡയുടെ ദേവതയായി കരുതുന്ന ദേവി കനകദുര്ഗയാണ് ഇവിടുത്തെ പ്രതിഷ്ഠ. വിജയയെന്ന പേരിലാണ് വിജയവാഡക്കാര് ദേവിയെ വിളിക്കുന്നത്. വില്ലാളിവീരനായ അര്ജ്ജുനന് പാശുപതാസ്ത്രം വരമായി ലഭിച്ചത് ഇവിടെവച്ചാണെന്നും അര്ജുനനാണ് ഈ ക്ഷേത്രം പണിതതെന്നുമാണ് വിശ്വസിക്കപ്പെടുന്നത്.
അതല്ല പന്ത്രണ്ടാം നൂറ്റാണ്ടില് ആധുനിക വിജയവാഡ സാമ്രാജ്യത്തിന്റെ ശില്പിയെന്നറിയപ്പെടുന്ന പൂശാപതി മധാവ വര്മ്മയാണ് ഈ ക്ഷേത്രം നിര്മ്മിച്ചതെന്നും കഥകളുണ്ട്. എന്നാല് പലപുരാണങ്ങളിലും പറയുന്നത് ഇവിടെ ദേവി സ്വയംഭൂവാണെന്നും ഉഗ്രശക്തിയുള്ളതുമാണെന്നാണ്. സരസ്വതി പൂജയും തെപ്പോത്സവവുമാണ് ക്ഷേത്രത്തിലെ പ്രധാന ആഘോഷങ്ങള്. വിജയവാഡ റെയില്വേ സ്റ്റേഷന് വളരെ അടുത്താണ് ഈ ക്ഷേത്രം.