വെസ്റ്റ്‌ ഗാരോഹില്‍സിലെ ടൂറയില്‍ നിന്നും 80 കിലോമീറ്റര്‍ അകലെ ഇന്‍്‌ഡോ-ബംഗ്ലാദേശ്‌ അതിര്‍ത്തിയിലാണ്‌ ഹസ്രത്‌ കമല്‍ ബാബയുടെ ഡര്‍ഗ സ്ഥിതി ചെയ്യുന്നത്‌. പതിനാറാം നൂറ്റാണ്ടില്‍ രാജ മഹേന്ദ്രനാരായന്റെ കാലത്ത്‌ ഒറ്റ രാത്രി കൊണ്ടാണിത്‌ പണികഴിപ്പിച്ചതെന്നാണ്‌ പറയപ്പെടുന്നത്‌. പിര്‍സ്ഥാന്‍ എന്നും ദേവാലയം അറിയപ്പെടുന്നുണ്ട്‌. രാജയുടെ കാലത്ത്‌ ഈ പ്രദേശത്തെ ഒരു രാക്ഷസന്‍ പിടിച്ചെടുക്കുകയും എല്ലാ നന്മകളും നശിക്കുകയും ചെയ്‌തുവത്രെ. ഇക്കാലത്ത്‌ ഇവിടം സന്ദര്‍ശിച്ച ഷാ കമല്‍ ബാബ രാക്ഷസനെ ഇവിടെ നിന്നും ഓടിച്ചു വിട്ടതായാണ്‌ ഐതീഹ്യം.

പവിത്രമായ സ്ഥലത്ത്‌ സ്ഥിതി ചെയ്യുന്ന ഡര്‍ഗയുടെ നിര്‍മ്മാണ രീതി മുഗള്‍ ശൈലിയിലാണ്‌. 2008-2009 കാലയളവില്‍ കെട്ടിടം നവീകരിച്ചിരുന്നു. ആത്മീയമായ അനുഭവം ആഗ്രഹിക്കുന്നവര്‍ക്ക്‌ ഇവിടം അനുയോജ്യമായ സ്ഥലമാണ്‌.