ഓരോ സഞ്ചാരികൾക്കും ഓരോ ഇഷ്ടങ്ങളാണ്. ചിലർ ചരിത്രം തേടി പോകുമ്പോൾ മറ്റു ചിലർക്ക് വേണ്ടത് റോഡുകളാണ്. അറിയാത്ത വഴികളും കാണാത്ത നാടും തേടി പോകുന്ന യാത്രകൾ. ഇതിലൊന്നും പെടാതെ ബീച്ചുകൾ തിരഞ്ഞെടുക്കുന്നവരും ഉണ്ട്. സൂര്യോദയത്തിൽ തുടങ്ങി സൂര്യാസ്തമയം വരെ കടലിന്റെ കാഴ്ചകളിൽ കണ്ണും നട്ടിരിക്കുന്നവർ. കുറച്ചു കൂടി നോക്കിയാൽ വേറെയും കുറേ സഞ്ചാരികളെ കാണാം. ആരും പോയിട്ടില്ലാത്ത നാടുകളെക്കുറിച്ച് തപ്പിയെടുത്ത് പോയി വരുന്നവർ, സാഹസികമായ സ്ഥലങ്ങൾ കീഴക്കാനിറങ്ങുന്നവർ, മലകളിലേക്ക് യാത്ര ചെയ്യുന്നവർ, എത്ര യാത്ര ചെയ്താലും ഇടുക്കിയിലെ തണുപ്പിൽ മാത്രം വന്നു നിൽക്കുന്നവർ...അങ്ങനെ വ്യത്യസ്തമായി യാത്രയെ സ്നേഹിക്കുന്ന ആളുകൾ...ഇതിലൊന്നും കൂടാതെ ട്രക്കിങ്ങിനു മാത്രമായി ജീവിതം സമർപ്പിച്ചിരിക്കുന്നവരും ഉണ്ട്. തലയുയർത്തി നിൽത്തുന്ന കാടിന്റെ വഴികളിലൂടെ, കാടിനെ കാണുവാന് പോകുന്ന സാഹസികർ. ട്രക്കിങ്ങ് എന്നത് ഇവർക്ക് രക്തത്തിൽ അലിഞ്ഞിരിക്കുന്ന കാര്യമാണ്. ചിമ്മിനിയും പേപ്പാറയും അഗസ്ത്യാർകൂടവും ശെന്തുരുണിയും ഒക്കെയാണ് കേരളത്തിലെ ട്രക്കിങ്ങ് സ്പോട്ടുകളെന്ന് കരുതിയെങ്കിൽ തെറ്റി! അതിസാഹസികർക്കു മാത്രം പോകുവാൻ കഴിയുന്ന ഒരുഗ്രൻ ഇടം നമ്മുടെ നാട്ടിലുണ്ട്. കേരളത്തിലെ തന്നെ ഏറ്റവും മിക മികച്ച ട്രക്കിങ്ങ് സ്പോട്ടിന്റെ വിശേഷങ്ങളിലേക്ക്!!!!