ലഡാക്കിലെ ലെഹ് ജില്ലയിലാണ് അല്ചി എന്ന പ്രശസ്തമായ ഗ്രാമം സ്ഥിതി ചെയ്യുന്നത്. ഹിമാലയന് നിരകളുടെ കേന്ദ്രഭാഗത്തായി, ഇന്ധുസ് നദിയുടെ തീരത്തോട് ചേര്ന്നുകിടക്കുന്ന അല്ചിയിലേക്ക്, ലെഹ്
നഗരത്തില് നിന്നും ഏകദേശം 60 കിലോമീറ്റര് മാത്രമേ ദൂരമുള്ളൂ. അല്ചി സന്ന്യാസ മഠങ്ങളുടെ പേരിലാണ് അല്ചി ഗ്രാമം പ്രശസ്തമാകുന്നത്. വളരെ പുരാതനമായ സന്ന്യാസ മഠങ്ങളാണ് ഇവിടെയുള്ളത്. ലഡാക്കിലെ പ്രസിദ്ധമായ ടൂറിസ്റ്റ് കേന്ദ്രം കൂടിയാണ് അല്ചി. ലഡാക്കിലെ മറ്റു സന്ന്യാസ മഠങ്ങളില് നിന്ന് വ്യത്യസ്തമായി അല്ചി മഠം താഴ്വാരത്താണ് സ്ഥിതി ചെയ്യുന്നത്. ബാക്കിയുള്ളതെല്ലാം കുന്നിന് മുകളിലാണല്ലോ. വളരെ ഭംഗിയേറിയ ഘടനാവൈഭവമാണ് സന്ന്യാസമഠത്തിന്റെ നിര്മ്മിതിക്ക്. പതിനൊന്നാം നൂറ്റാണ്ടിലാണ് ഇതിന്റെ ചരിത്രം ആരംഭിക്കുന്നതെന്ന് വിശ്വസിക്കപ്പെടുന്നു. ദു-ഖാങ്ങ്, സം-സെക് കൂടാതെ ടെമ്പിള് ഓഫ് മഞ്ജുശ്രീ എന്നീ പേരുകളിലറിയപ്പെടുന്ന മൂന്ന് ക്ഷേത്രങ്ങള് ഈ മഠത്തില് നിലകൊള്ളുന്നു. ബുദ്ധന്റെയും മറ്റ് പല ആരാധനാമൂര്ത്തികളുടെയും ചിത്രങ്ങള് ക്ഷേത്രങ്ങള്ക്കകത്തെ ഭിത്തികളില് വരച്ച് വെച്ചിരിക്കുന്നു.
പ്രകൃതി ഭംഗികളാല് ചുറ്റപ്പെട്ട അതിവിശാലമായ പ്രദേശമാണ് അല്ചിയിലേത്. കണ്ണിനിമ്പമേകുന്ന കാഴ്ചകളാണ് ഇവിടെ അധികവുമുള്ളത്. സന്ന്യാസിമാരുടെ ആശ്രമജീവിതവും ദിനചര്യകളും വളരെ അടുത്തുനിന്നു കാണാനും നിരീക്ഷിക്കാനും ഇവിടെ നിന്നും സാധിക്കും. അതുകൊണ്ടുതന്നെ സഞ്ചാരികള്ക്ക് ഏറ്റവും ഇഷ്ടപ്പെടുന്ന പ്രദേശം കൂടിയാണിത്. രാത്രികാലങ്ങളില് സഞ്ചാരികള്ക്ക് തങ്ങാനുള്ള ചില സ്ഥലങ്ങളും ഇവിടെയുണ്ട്.
ഏറ്റവും നല്ല കാലവസ്ഥ തന്നെയാണ് അല്ചിയിലേത്. മഞ്ഞുകാലം അത്ര നന്നല്ലെങ്കിലും വേനല്ക്കാലം കുറച്ചുകൂടെ സുഖകരമാണ്. മഴകള് എല്ലാ കാലങ്ങളിലും ഉണ്ടാകാറുണ്ട്, പൊതുവെ വേനല്ക്കാല രാത്രികളില് ചൂട് കുറവാണ്. ജൂണ് മുതല് സെപ്തംബര് വരെയുള്ള മാസങ്ങളാണ് അല്ചി സന്ദര്ശിക്കാന് ഏറ്റവും പറ്റിയ സമയം.