മണല്കുന്നുകളുടെ മര്മരം കേട്ട് താര് മരുഭൂമിയിലൂടെ ഒരു യാത്ര നടത്താതെ രാജസ്ഥാന് സന്ദര്ശനം ഒരിക്കലും പൂര്ണമാകില്ല. ഈ യാത്രയില് ഒരിക്കലും ഖിംസാറിനെ ‘മിസ്’ ചെയ്യരുത്. താര് മരുഭൂമിയുടെ അറ്റത്ത് സ്ഥിതി ചെയ്യുന്ന ഖിംസര് മുമ്പ് പ്രദേശത്തെ നാട്ടുരാജാക്കന്മാരായ താക്കൂര്മാരാണ് ഭരിച്ചിരുന്നത്.
മരുപ്പച്ചക്ക് സമാനമായ മനോഹരമായ തടാകമാണ് ഖിംസാറിന്െറ പ്രധാന ആകര്ഷണം. ഖിംസാര് കോട്ടയും മറ്റൊരു ആകര്ഷണമാണ്. മണല്ക്കുന്നുകള്ക്കിടയിലൂടെ ഒട്ടകപ്പുറത്തും ഒട്ടകം വലിക്കുന്ന വണ്ടികളിലുള്ള യാത്ര ആസ്വദിക്കാനാണ് സഞ്ചാരികള് പ്രധാനമായും ഇവിടെയത്തെുന്നത്.
ചരിത്രം
16ാം നൂറ്റാണ്ടില് നിര്മിക്കപ്പെട്ടതെന്ന് കരുതുന്ന ഖിംസര് കോട്ടയുമായി ബന്ധപ്പെട്ടാണ് പ്രദേശത്തിന്െറ ചരിത്രം അറിയപ്പെടുന്നത്. നിരവധി യുദ്ധങ്ങളാണ് ഈ കോട്ടയുടെ ആധിപത്യം പിടിച്ചടക്കാന് മുമ്പ് നടന്നിട്ടുള്ളത്. ഈ രക്തചൊരിച്ചിലുകളുടെ കഥകള് നിശബ്ദം അയവിറക്കുന്ന നിരവധി തെളിവുകള് കോട്ടയിലും പരിസരത്തുമുണ്ട്. ഖിംസറില് എത്തുന്ന സഞ്ചാരികള് ഭൂരിഭാഗവും പുരാതന ജൈന,ഹിന്ദുക്ഷേത്രങ്ങള് സ്ഥിതി ചെയ്യുന്ന ഓസിയന് എന്ന സ്ഥലം കൂടി സന്ദര്ശിക്കാതെ മടങ്ങാറില്ല.
സമയം അനുവദിക്കുന്നവര് ഹെറിറ്റേജ് ഹോട്ടലായ സാന്ഡ് ഡ്യൂണ്സ് സന്ദര്ശിക്കാനും മരുഭൂമിയുടെ ചെരിവുകളിലൂടെയുള്ള ഒട്ടകപ്പുറത്തെ യാത്രക്കും സമയം കണ്ടത്തെണം. നഗൗര് മേളയാണ് ഖിംസറിന്െറ പ്രധാന ഉല്സവം. എല്ലാ വര്ഷവും ജനുവരി,ഫെബ്രുവരി മാസങ്ങളില് നടക്കുന്ന ഈ മേള കാണാന് സ്വദേശത്തുനിന്നും വിദേശത്തുനിന്നും നിരവധി സന്ദര്ശകര് ഇവിടെയത്തൊറുണ്ട്. ഒട്ടകയോട്ട മല്സരം, കാളയോട്ട മല്സരം എന്നിവ കാണാനും നാടോടി കലാരൂപങ്ങള് ആസ്വദിക്കാനും മേള അവസരമൊരുക്കുന്നു.