മാര്ച്ച് മുതല് മെയ് വരെയാണ് വേനല്ക്കാലം. വേനല്ക്കാലത്ത് കടുത്ത ചൂട് അനുഭവപ്പെടാറുണ്ട്. 35 ഡിഗ്രി സെല്ഷ്യസ് വരെ പകല്സമയത്ത് ചൂട് ഉയരുന്നു. കുറഞ്ഞ താപനില 20 ഡിഗ്രി സെല്ഷ്യസ് ആയിരിക്കും. അതിനാല്ത്തന്നെ വേനല്ക്കാലത്ത് മുരുഡേശ്വരം യാത്ര അഭികാമ്യമല്ല.
ജൂണ് മുതല് സെപ്തംബര് വരെയുള്ള കാലത്താണ് ഇവിടെ മഴപെയ്യുന്നത്. താരതമ്യേന നല്ല മഴ ലഭിക്കുന്ന പ്രദേശമാണിത്. മഴക്കാലത്തും ഇവിടെ ധാരാളമാളുകള് എത്തുക പതിവില്ല.
ഡിസംബര് മുതല് ഫെബ്രുവരി വരെയുള്ള ശൈത്യകാലത്താണ് മുരുഡേശ്വര് യാത്രയ്ക്ക് പറ്റിയ സമയം. പകല് സമയത്തും രാത്രിയുമെല്ലാം മനോഹരമായ കാലാവസ്ഥയാണ് ഇക്കാലത്തുണ്ടാവുക. 14 ഡിഗ്രി സെല്ഷ്യസ് മാത്രമാണ് ഇക്കാലത്തെ കുറഞ്ഞ താപനില. കൂടിയത് 28ഡിഗ്രിയും. ശീതകാലത്താണ് ഇവിടെ ഏറ്റവും കൂടുതല് സഞ്ചാരികളെത്താറുള്ളത്.