Click it and Unblock the Notifications
വിനോദ സഞ്ചാരം പുനരാരംഭിച്ചതോ‌ടെ ഗവിയില്‍ സഞ്ചാരികളുടെ തിരക്കേറുന്നു. ആറു മാസത്തിലധികം നീണ്ടു നിന്ന അടച്ചി‌‌ടലിനു ശേഷംകഴിഞ്ഞ തിങ്കളാഴ്ച മുതലാണ് സഞ്ചാരികള്ക്ക് ഗവിയിലേക്ക് സഞ്ചാരികള്ക്ക് പ്രവേശനം അനുവദിച്ചത്. ഓണ്‍ലൈനായി ബുക്ക് ചെയ്യുന്ന 30 വാഹനങ്ങള്‍ക്കു മാത്രമേ ഒരു ദിവസം ഇവിടെ പ്രവേശനം അനുവദിക്കുകയുള്ളൂ.
കൊവിഡ് മാനദണ്ഡങ്ങളനുസരിച്ച് വാഹനങ്ങ്‍ അണുവിമുക്തമാക്കിയും കര്‍ശന പരിശോധനകളും നടത്തിയ ശേഷം മാത്രമായിരിക്കും പ്രവേശനം.
പാസ് എടുക്കണം
ഓണ്‍ലൈനായി ബുക്ക് ചെയ്ത ശേഷം ഗൂഡ്രിക്കൽ റേഞ്ച് ഓഫിസിൽ നിന്ന് പാസ് എ‌ടുത്താണ് യാത്ര ചെയ്യേണ്ടത്. ഓൺലൈനിൽ ആദ്യം രജിസ്റ്റർ ചെയ്യുന്ന 30 വാഹനങ്ങൾക്ക് പ്രവേശനാനനുമതി ലഭിക്കും.
ഇവിടെ സഞ്ചാരികള്ക്ക് വേണ്ട നിര്‍ദ്ദേശങ്ങള്‍ നല്കുകയും വാഹനങ്ങള്‍ അണുവിമുക്തമാക്കുകയും ചെയ്യും. ഇതിനായി പ്രത്യേകം ഉദ്യോഗസ്ഥരുടെ സേവനവുമുണ്ട്. കിളിയെറിഞ്ഞാൻകല്ല് ചെക്ക് പോസ്റ്റിൽ പാസുകള്‍ രേഖപ്പെടുത്തിയാല്‍ യാത്ര തു‌ടരാം. കൂ‌ടാതെ മൂഴിയാർ, കക്കി, ആനത്തോട്, പച്ചക്കാനം,വള്ളക്കടവ് പ്രദേശത്ത് പൊലീസ്-ഫോറസ്റ്റ് ചെക്ക് പോസ്റ്റുകളിലും പരിശോധന ഉണ്ടായിരിക്കും. പാസ് എടുക്കുവാനെത്തുന്ന സഞ്ചാരികള്ക്ക് ശുചിമുറി ഉള്‍പ്പെടെയുള്ള സൗകര്യങ്ങള്‍ ഏര്‍പ്പെ‌ടുത്തിയിട്ടുണ്ട്.
യാത്രയില്‍ ഭക്ഷണം ആവശ്യമുള്ളവര്‍ക്ക് ഗൂഡ്രിക്കൽ റേഞ്ച് ഓഫിസിനു സമീപവും, മൂഴിയാർ 40 ഏക്കർ, കൊച്ചുപമ്പ കെഎസ്ഇബി കന്റിനുകളിലും മുന്‍കൂട്ടി ബുക്ക് ചെയ്താല്‍ ഭക്ഷണം ലഭ്യമാകും.
