എളുപ്പത്തിലുള്ള റെയില്വേ ടിക്കറ്റ് ബുക്കിങ്ങിനായി ഐആര്സിടിസി ആമസോണുമായി കൈകോര്ക്കുന്നു. ആമസോണ് പേയ്മെന്റ് ഓപ്ഷനായ ആമസോണ് പേയുമായി ചേര്ന്നാണ് പുതിയ പദ്ധതി. ഇതുവഴി ആമസോണ് ആപ്പ് ഉപയോഗിച്ച് റെയില്വേ സീറ്റുകള് തിരയുവാനും ടിക്കറ്റ് ബുക്ക് ചെയ്യുവാനും സീറ്റുകളുടെയും മറ്റും ലഭ്യത അറിയുവാനും സാധിക്കും. പിഎന്ആര് സ്റ്റാറ്റസ് അറിയുക, ആമസോണ് വഴി ടിക്കറ്റുകള് ബുക്ക് ചെയ്യുവാനും ആമസോണ് പേ ബാലന്സ് വഴി പണം അടയ്ക്കുക തുടങ്ങിയ സൗകര്യങ്ങളും ലഭ്യമാണ്. ആമസോണ് വഴി നേരിട്ടുള്ള പണമിടപാടുകളും ലഭ്യമാകും.
റെയില്വേ ടിക്കറ്റുകള് ക്യാന്സല് ചെയ്യുമ്പോള് ഇന്സ്റ്റന്റ് റീഫണ്ടാണ് കമ്പനി വാഗ്ദാനം ചെയ്യുന്നത്. നിലവില് ഐആര്സിടിസി വഴി ഒരാഴ്ചയോളം സമയമാണ് റദ്ദാക്കിയ ടിക്കറ്റിന്റെ റീഫണ്ടിനായി കാത്തിരിക്കേണ്ടി വരുന്നത്. തുടക്കകാല ആനുകൂല്യമായി സേവനത്തിനായി നല്കേണ്ടി വരുന്ന സര്വ്വീസ് ചാര്ജും പേയ്മെന്റ് ഗേറ്റ്വേ ചാര്ജും ആമസോണ് ഒഴിവാക്കിയിട്ടുണ്ട്.
ആമസോണ് വഴിയുള്ള ആദ്യ ടിക്കറ്റ് ബുക്കിങ്ങിന് 10 ശതമാനവും (പരമാവധി തുക 100 രൂപ) പ്രൈം അംഗങ്ങള്ക്ക് 12 ശതമാനവും(പരമാവധി 120 രൂപ) ഇളവ് ഉണ്ടായിരിക്കും. പരിമിത കാലത്തേയ്ക്കായിരിക്കും ഈ ഇളവ് ലഭ്യമാവുക.
ആപ്പ് ഉപയോഗിച്ച് ഉപഭോക്താക്കള്ക്ക് സീറ്റ്, ക്വാട്ട ലഭ്യത എന്നിവ പരിശോധിക്കാനും കഴിയും. താല്പര്യമുള്ളവര്ക്ക് അവരുടെ ആമസോൺ പേ ബാലൻസ് വാലറ്റിലേക്ക് പണം മുൻകൂട്ടി ലോഡു ചെയ്ത് ഉപയോഗിക്കുവാനും സാധിക്കും.
ക്യാംപിങ്ങും റാഫ്ടിങ്ങും പിന്നെ ബംഗീ ജംപിങും...ഋഷികേശില് ഈ കാര്യങ്ങള് മറക്കരുത്
കത്തു മാത്രമല്ല, ഇവിടെ തേങ്ങയിലും സന്ദേശം അയക്കാം! ലോകത്തിലെ വിചിത്രമായ പോസ്റ്റ് ഓഫീസുകള്
ഏറ്റവും കുറഞ്ഞ ചിലവില് മേഘാലയയിലേക്ക് ഒരു യാത്ര.. ഇങ്ങനെ പ്ലാന് ചെയ്യാം
റോഡ് ട്രിപ്പുകളില് ശ്രദ്ധിക്കാം, ബസില് കയറുന്നതിനു മുന്പ് ഈ കാര്യങ്ങളും
മൂന്നാറും വാഗമണ്ണും മടുത്തെങ്കില് ഇവിടേക്ക് പോകാം...ഭൂമിയിലെ മറ്റൊരു സ്വര്ഗ്ഗം