വിനോദ സഞ്ചാര രംഗത്ത് അഭിമാനിക്കുവാനുള്ള വക ഏറെയുള്ള നാടാണ് കൊച്ചി. കേരളത്തിന്റെ പച്ചപ്പും ഗ്രാമീണ ഭംഗിയും ചരിത്രക്കാഴ്ചകളും തേടി കടൽക്കടന്നെത്തുന്ന വിദേശീയർ ആദ്യം കാണാനാഗ്രഹിക്കുന്നതും കൊച്ചി തന്നെ. കൊച്ചി കണ്ടവനു അച്ചി വേണ്ട എന്ന ചൊല്ലിൽ തന്നെ കൊച്ചിയെ ചുരുക്കി വായിക്കാം.
കേരളത്തിന്റെ ചരിത്രവും പാരമ്പര്യവും പിന്നെ ഇഷ്ടംപോലെ കാഴ്ചകളും വ്യത്യസ്തങ്ങളായ രുചികളും ഒക്കെ ചേരുന്ന കൊച്ചിയെ വിളിക്കുന്നത് പോലും അറബിക്കടലിന്റെ റാണി എന്നാണ്.
2020 ലെ ടോപ് 10 സിറ്റികളുടെ പട്ടിക 'ലോൺലി ട്രാവൽ മാഗസിൻ' പുറത്തിറക്കിയപ്പോൾ ഇന്ത്യയിൽ നിന്നും അതിലുൾപ്പെട്ടിരിക്കുന്നത് നമ്മുടെ സ്വന്തം കൊച്ചിയാണ്. ലോകത്തിനോടൊപ്പം തന്നെയോടി ഏഴാം സ്ഥാനത്തെത്തിയ കൊച്ചി പഴമയെയും പുതുമയെയും ഒരുപോലെ സ്വീകരിച്ച് മുന്നോട്ട് പോകുന്ന ഇടം കൂടിയാണ്...