Click it and Unblock the Notifications
മൂന്നാറിലെത്തുന്ന വിനോദ സഞ്ചാരികള്ക്ക് കുറഞ്ഞ ചിലവില്‍ താമസ സൗകര്യവുമായി കെഎസ്ആര്ടിസി. കെഎസ്ആര്‍‌‌ടിസിയു‌ടെ പുതിയ എസി ബസില്‍ സഞ്ചാരികള്ക്ക് രാത്രി താമസമൊരുക്കുന്ന പദ്ധതിയാണ്. 16 പേര്‍ക്ക് വരെയാണ് ഒരു സമയം താമസിക്കുവാന്‍ സാധിക്കുക. പദ്ധതിയു‌ടെ ആദ്യ ഘ‌ട്ടം മൂന്നാറില്‍ ആരംഭിക്കും. ട്രെയിനുകളിലെ സ്ലീപ്പര്‍ കോച്ച് മാതൃകയിലായിരിക്കും ബസില്‍ സൗകര്യങ്ങളൊരുക്കുക.
ഒരാള്‍ക്കു മാത്രം കിട‌ക്കുവാന്‍ സാധിക്കുന്ന കംപാര്‍‌ട്മെന്‍റില്‍ ഒരു കി‌ടക്കയും മൊബൈല്‍ ഫോണ്‍ ചാര്‍ജിങ് സൗകര്യങ്ങളുമുണ്ടായിരിക്കും. നിരക്ക് ഇതുവരെയും തീരുമാനിച്ചിട്ടില്ല. വിനോദ സഞ്ചാരികള്ക്ക് താങ്ങുവാന്‍ കഴിയുന്ന നിരക്കില്‍ ബസുകളില്‍ താമസ സൗകര്യം നല്കാം എന്ന ആശയം കെഎസ്ആർടിസി എം.ഡി ബിജു പ്രഭാകരന്‍റേതാണ്.
കൊവിഡ് പ്രതിസന്ധികള്‍ മാറി മൂന്നാര്‍ വിനോദ സഞ്ചാരത്തിനായി തുറന്നാലു‌ടന്‍ തന്നെ ഈ സൗകര്യവും ലഭ്യമാക്കും. കെഎസ്ആര്ടിസി മൂന്നാര്‍ ഡിപ്പോയിലായിരിക്കും ബസ് പാര്‍ക്ക് ചെയ്യുക. ശുചി മുറി ഉള്‍പ്പെ‌ടെയുള്ള സൗകര്യങ്ങള്‍ ഡിപ്പോയിലേത് ഉപയോഗിക്കാം. ഇത്തരത്തിലൊരു സേവനം സംസ്ഥാനത്ത് ആദ്യമായാണ് നടപ്പാക്കുന്നത്.
