മുംബൈ - ഗോവ പ്രധാനപാതയിലെ പ്രധാനപ്പെട്ട ഒരു ടൗണ്ഷിപ്പാണ് പൊര്വോരിം. മാപുസ കഴിഞ്ഞ ഉടനായി പനജിയുടെ പ്രവേശനവാടത്തിലാണ് പൊര്വോരിം സ്ഥിതിചെയ്യുന്നത്. ഗോവയുടെ പരിസരപ്രദേശങ്ങളിലായി മനോഹരമായ കാഴ്ചകള് കാണാന് പൊര്വോരിമില് തമ്പടിച്ചാല് സാധിക്കും. നഗരത്തിന് തൊട്ടുപുറത്തായുള്ള സലിം അലി പക്ഷിസങ്കേതമാണ് സഞ്ചാരികളെ ആകര്ഷിക്കുന്ന പ്രധാനപ്പെട്ട ഒരു കേന്ദ്രം.
ടൂറിസ്റ്റുകള്ക്കൊപ്പം ഫോട്ടോഗ്രാഫര്മാരുടെയും പ്രിയകേന്ദ്രമാണിത്. കുറച്ചുമാറി പനജി എന്ന തലസ്ഥാനനഗരം മണ്ഡോവി നദീതീരത്തുസ്ഥിതി ചെയ്യുന്നു. റെയിസ് മാംഗോസ് കോട്ടയാണ് സമീപത്തായുള്ള മറ്റൊരു ആകര്ഷണം. പനജിമിന്റെ ഉള്നഗരമായി അതിവേഗം മാറിക്കൊണ്ടിരിക്കുന്ന ഒരു വികസ്വരടൗണാണ് പൊര്വോരിം എന്നുവേണമെങ്കില് പറയാം.
കജുരിയോ റെസ്റ്റോറന്റും മജെസ്റ്റിക് എന്ന പേസ്ട്രി ഷോപ്പുമാണ് ഇവിടെ ഭക്ഷണപ്രേമികള്ക്ക് ആകര്ഷണീയമായി തോന്നാനിടുള്ള രണ്ട് സ്ഥലങ്ങള്. കണ്ഡോലിം, ബാഗ എന്നിവിടങ്ങളേക്കാള് ചെലവ് കുറഞ്ഞതും എന്നാല് സൗകര്യപ്രദവുമായ താമസസൗകര്യം ലഭിക്കുന്ന ഒരു സ്ഥലമാണ് പൊര്വാരിം.