Click it and Unblock the Notifications
മധ്യപ്രദേശിലെ സത്ന ജില്ലയിലാണ് ഭര്ഹൂത്ത് സ്തൂപം സ്ഥിതി ചെയ്യുന്നത്. പുരാതന നാഗോഡ് സംസ്ഥാനത്തിന്റെ ഭാഗമായിരുന്നു ഈ സ്തൂപം. ബിസി 150ല് നിര്മ്മിച്ച ഈ സ്തൂപം സമ്പന്നമായ ഇന്ത്യന് സംസ്കാരത്തിന്റെ പ്രതീകമാണ്. സ്തൂപത്തിന് നിര്മ്മിക്കപ്പെട്ട കാലഘട്ടത്തെ കുറിച്ച് നിരവധി കഥകളാണ് പറയാനുള്ളത്.
ജ്ഞാനോദയത്തിലേക്കുള്ള ബുദ്ധന്റെ യാത്ര, യക്ഷന്മാര്, അക്കാലത്തെ മനുഷ്യരുടെ ദൈനംദിന ജീവിതം എന്നിവയെ കുറിച്ചെല്ലാം ഈ സ്തൂപത്തില് നിന്ന് വായിച്ചെടുക്കാം. സ്തൂപത്തിന് ചുറ്റുമുള്ള വേലി ചെങ്കല്ലിലാണ് നിര്മ്മിച്ചിരിക്കുന്നത്. ഇത് സ്തൂപത്തിന്റെ മാറ്റ് കൂട്ടുന്നു.
ഇന്ന് സ്തൂപത്തിന്റെ അവശിഷ്ടങ്ങള് മാത്രമാണ് ഇവിടെയുള്ളത്. ഭര്ഹൂത്ത് സ്തൂപത്തിന്റെ അവശിഷ്ടങ്ങള് കല്ക്കത്തിലെ മ്യൂസിയത്തില് സൂക്ഷിച്ചിട്ടുണ്ട്. ഭര്ഹൂത്ത് ആര്ട്ട്ഗ്യാലറിയില് സ്തൂപത്തിന്റെ മാതൃകകളും ചിത്രങ്ങളും കാണാനാകും.
