Click it and Unblock the Notifications
തലശ്ശേരി കാലാവസ്ഥ
കനത്ത മഴ പെയ്യുന്ന ജൂണ്‍ ജൂലൈ മാസങ്ങളിലും കടുത്ത ചൂട് അനുഭവപ്പെടുന്ന മെയ് മാസത്തിലും ഒഴികെ വര്‍ഷത്തിലേത് സമയത്തും സന്ദര്‍ശിക്കാവുന്ന സ്ഥലമാണ് തലശ്ശേരി.
വേനല്‍ക്കാലം
മാര്‍ച്ചില്‍ ആരംഭിക്കുന്ന വേനല്‍ക്കാലം ഏതാണ്ട് മൂന്ന് മാസത്തിലധികം നീണ്ടുനില്‍ക്കുന്നു. വേനല്‍ക്കാലത്ത് കടുത്ത ചൂട് അനുഭവപ്പെടാറുണ്ട്. 40 ഡിഗ്രി സെല്‍ഷ്യസിലധികം ചൂട് അനുഭവപ്പെടുന്ന ഇക്കാലത്ത് തലശ്ശേരി യാത്ര ദുസ്സഹമാണ്.
മഴക്കാലം
ജൂണ്‍ മുതല്‍ സെപ്തംബര്‍ വരെയുള്ള കാലത്താണ് ഇവിടെ മഴപെയ്യുന്നത്. ഒക്‌ടോബര്‍ നവംബര്‍ മാസങ്ങളിലും ഇവിടെ മഴപെയ്യുന്നു. കനത്ത മഴയില്‍ സ്ഥലങ്ങള്‍ ചുറ്റിക്കാണാന്‍ എളുപ്പമല്ല തലശ്ശേരിയില്‍.
ശീതകാലം
മനോഹരമായ കാലാവസ്ഥയാണ് ശീതകാലത്ത് തലശ്ശേരിയില്‍. ശൈത്യകാലത്താണ് തലശ്ശേരി യാത്രയ്ക്ക് പറ്റിയ സമയം. ഡിസംബര്‍ മുതല്‍ ഫെബ്രുവരി വരെയാണ് സാധാരണ ശീതകാലം. 20 മുതല്‍ 32 ഡിഗ്രി സെല്‍ഷ്യസ് മാത്രമാണ് ഇക്കാലത്ത് അന്തരീക്ഷ താപനില.