Click it and Unblock the Notifications
320 ചതുരശ്ര കിലോമീറ്റര് വിസ്തൃതിയുള്ള വന്യജീവിസങ്കേതമാണിത്. വാഡ, മൊഖദാസ്, ശഹപൂര് താലൂക്കുകളിലായിട്ടാണ് ഈ വന്യജീവിസങ്കേതം സ്ഥിതിചെയ്യുന്നത്. പ്രകൃതിയെ ആസ്വദിയ്ക്കാനിഷ്ടമുള്ളവര്ക്ക് ഇവിടേയ്ക്കുള്ള യാത്ര നന്നേ ഇഷ്ടപ്പെടും. അനേകജാതികളില്പ്പെട്ട സസ്യലതാദികളും വൃക്ഷങ്ങളും ജന്തുജാലങ്ങളും ഇവിടെയുണ്ട്. 200 ഇനത്തില്പ്പെട്ട പക്ഷികളുമുണ്ട് ഈ വനത്തിനുള്ളില്. കടുവ, ചീറ്റ എന്നിവയെല്ലാം അധിവസിയ്ക്കുന്ന കാടാണിത്. തന്സ വന്യജീവി സങ്കേതത്തിലേയ്ക്ക് പോകാനാഗ്രഹിയ്ക്കുന്നവര്ക്കായി സുര്യാമല് ഭാഗത്ത് ഏറെ താമസസൗകര്യങ്ങളുണ്ട്. ഇവിടെ മുറികള് നേരത്തേ ബുക്ക് ചെയ്യേണ്ടതാണ്. വന്യജീവിസങ്കേതത്തിനടുത്തുള്ള തന്സ തടാകവും മഹാദിയോ ക്ഷേത്രവും മറ്റ് ആകര്ണങ്ങളാണ്. നവംബര് മാസമാണ് വന്യജീവിസങ്കേതം സന്ദര്ശിയ്ക്കാന് അനുയോജ്യമായ സമയം.
