Click it and Unblock the Notifications
ആസാമിലെ ടിന്‍സുകിയ ജില്ലയിലാണ് ടിന്‍സുകിയ നഗരം സ്ഥിതി ചെയ്യുന്നത്. ഒരു വ്യവസായ കേന്ദ്രമായി ഇവിടം ആസാമിലെ മറ്റ് പ്രദേശങ്ങളിലേക്ക് പോകുന്ന സഞ്ചാരികള്‍ എത്തിച്ചേരുന്ന സ്ഥലമാണ്. ഇന്ത്യയുടെ ബിസിനസ് തലസ്ഥാനം എന്നും അറിയപ്പെടുന്ന ഇവിടം ഗുവാഹത്തിയില്‍ നിന്ന് 480 കിലോമീറ്റര്‍ വടക്ക് കിഴക്കായാണ് സ്ഥിതി ചെയ്യുന്നത്. ആസാമിലെ രണ്ടാമത്തെ വലിയ നഗരമായ ടിന്‍സുകിയക്ക് ചങ്മായി പാതര്‍ എന്നും പേരുണ്ട്. പുരാതനകാലത്ത് ഇവിടം ബാങ്ങ്മാര എന്നായിരുന്നു അറിയപ്പെട്ടിരുന്നത്. മുട്ടാക്ക് രാജവംശത്തിന്‍റെ തലസ്ഥാനമായിരുന്നു ടിന്‍സുകിയ. ഇവിടെ ടിന്‍കുനിയ പുഖ്രി എന്ന പേരിലുള്ള ത്രികോണരൂപമായ ഒരു കുളമുണ്ട്. ആസാമിലെ വ്യവസായകേന്ദ്രമായ ടിന്‍സുകിയയില്‍ മികച്ച ഗുണനിലവാരമുള്ള തേയിലയും, തടി ഉത്പന്നങ്ങളും നിര്‍മ്മിക്കുന്നു.
ടിന്‍സുകിയ - സന്ദര്‍ശന കേന്ദ്രങ്ങള്‍
ടിന്‍സുകിയയിലെ പ്രധാന ആകര്‍ഷണം ഡിബ്രു സൈഖോവ നാഷണല്‍ പാര്‍ക്കാണ്. ജൈവവൈവിധ്യത്തിന് പേര്കേട്ട ഇവിടെ അനേകയിനം ജീവജാലങ്ങള്‍ വസിക്കുന്നു. നിലനില്പിന് ഭീഷണി നേരിടുന്ന ഗാന്‍ജെറ്റിക് ഡോള്‍ഫിന്‍, വാട്ടര്‍ ബഫലോ, വെള്ളച്ചിറകുള്ള വുഡ് ഡക്ക്, ആന തുടങ്ങിയ ജീവികള്‍ ഇവിടെയുണ്ട്. ഇവിടുത്തെ പ്രശസ്ത ക്ഷേത്രമായ ടിലിംഗ മന്ദിര്‍ അഥവാ ബെല്‍ ക്ഷേത്രം ഒരു ബനിയന്‍ മരത്താല്‍ പ്രതീകവത്കരിക്കുന്നു. ഭക്തര്‍ ഇവിടുത്തെ ശിവധാം എല്ലാക്കാലത്തും സന്ദര്‍ശിച്ചുവരുന്നു. ടിന്‍സുകിയയിലെ പ്രശസ്തമായ അമ്യൂസ്മെന്‍റ് പാര്‍ക്കാണ് മാരുത് നന്ദന്‍ കാനന്‍.
